GMN TV Politika Bankada FRETILIN: CNRT boikota plenária viajen PR ba Vatikanu

Bankada FRETILIN: CNRT boikota plenária viajen PR ba Vatikanu

0 views

Bankada opozisaun iha Parlamentu Nasional (PN), FRETILIN no Partido Democrático (PD) konsidera, bankada CNRT boikota plenária dezlokasaun Prezidente Repúblika (PR), Francisco Guterres ‘Lú Olo’, ba Roma-Vatikanu.

“Tuir rejimentu PN, servisu partidu nian halo iha loron Sesta, kuandu Segunda no Tersa ne’e, hotu-hotu tenki partisipa iha plenária, Kuarta no Kinta deputadu sira iha baze, iha loron Sesta partidu nia programa vizita eleitor. Ha’u lamenta teb-tebes, bankada Governu nian (CNRT-red) ne’ebé abandona plenária, ho razaun sei halo aktividade partidu nian, entaun PN ne’e sai saida de’it, sé ita fó prioridade ba atividade partidu nian, entaun povu no nasaun nia destinu liu husi plenária ita tenki deskuti ne’e, ita atu tau iha ne’ebé”,deputadu bankada PD, Adriano do Nascimento liu husi ninia intervensaun ba plenária, Tersa (30-10-2018).

Nia esplika, aktu CNRT abandona plenária, ne’e signifika sira tau interese partidu aas liu, interese povu no nasaun nian, tanba ne’e maka husik plenária la priense kuorum.

“Ha’u krítika meja PN, tanba loron Segunda no Tersa ne’e, loron plenária nian, la’os loron partidu ka bankada ida-idak nian, sé loron ida hanesan ne’e autoriza bankada ida tomak labele tuir plenária, ne’e primeira vez foin akontese iha PN, primeira vez meja PN autoriza bankada Governu atu abandona diskusaun kona-bá deslokasaun PR”,haktuir Adriano do Nascimento.

Deputadu bankada PD ne’e lamenta mós ho desizaun lider CNRT, ne’ebé autoriza bankada abandona plenária ka orden do dia vizita Estadu PR Lú Olo ba Amu Papa Francisco iha Roma-Vatikanu.

“Ita ne’e maioria Katólika, maka ita lakohi fó importansia, ne’e ladún furak ba nasaun no ba sarani katólika, tanba PR atu hasoru lider Katóliku, ita la tau importansia, ita husik plenária mamuk, hela de’it PLP, KHUNTO, maibé ida ka rua de’it, ha’u hanoin ida ne’e parte ida atu rejeita PR vizita ba rai liur, tanba ne’e ha’u lamenta teb-tebes”,informa reprezentante povu husi PD ne’e.

Husi sorin seluk, deputadu bankada FRETILIN, David Dias Ximenes ‘Mandati’ lamenta ho lideransa Aliansa Maioria Parlamentar (AMP), tanba tempu plenária orden do dia, autoriza sira-nia deputadu halo servisu partidaria.

“Ita labele haluha buat ida, katak PR nia vizita sira ne’e la’os direitu ida, mas dever konstitusional, katak kuandu lei ida iha, ita tenki halo tuir, tanba ne’e dever konstitusional, nia personajen eminente diplomasia Timorense ninian, nia mais elevadu ona”,afirma deputadu bankada FRETILIN ne’e.

Relasiona ho preokupasaun refere, wainhira jornalista sira, tenta konfirma Xefi bankada CNRT, Duarte Nunes, maibe nia  lakohi fó komentariu, maibé só informa de’it, katak maioria deputadu bankada CNRT halo atividade partidu nian iha munisípiu.

Entretantu viajen PR Lú Olo ba Vatikanu ne’e, sei hala’o iha loron 17 no 26 Novembru, tinan ne’e. Maibe tenki hetan aseitasaun husi PN hanesan segundu orgaun soberania tuir konstituisaun hatete.ves


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker