GMN TV Politika Francisco Branco: Hapara diskute fundador FRETILIN

Francisco Branco: Hapara diskute fundador FRETILIN

0 views

Vise Xefi bankada FRETILIN, Francisco Miranda Branco, husu lideransa sira atu hapara diskute kona-ba se mak fundador FRETILIN, nune’e konsentra de’it ba dezenvolvimentu rai ida ne’e.

“Husu ba líder bo’ot sira nasaun nian, sira ne’ebé mak sente dehan antigu ona, tuir loloos lalika kestiona barak, kona-ba se mak fundador no se mak la fundador. Lalika lakon tempu barak ba ida ne’e, tanba povu hakarak mak dezenvolvimentu, no ba sira-nia moris”,hateten Deputadu opozisaun ne’e ba jornalista iha PN, Sesta (05/10/2018), bainhira kestiona kona-ba se mak fundador lolos ba partidu FRETILIN atu jerasaun foun sira hela ho klareza.

Deputadu FRETILIN ne’e realsa tan, polémika hotu hapara ona, hodi konsentra ba povu nia moris, no buka dalan atu hasai povu husi kiak no mukit, tanba povu la’os hein istória, maibe servisu.

“Foku halonusa mak dezenvolve povu nia moris, hasai povu husi ki’ak no mukit, ida ne’e mak importante, povu la interese istória barak iha ne’ebé agora dadauk sai iha media”,tenik deputadu Francisco Branco.

Francisco Branco, salienta tan, istória hotu kona-ba Timor-Leste, prepara ona husi ema hakerek na’in sira, ne’ebé ho loloos kona-ba se mak fundador FRETILIN no se mak la’e.

“Istória loloos, istóriador sei hakerek, buat lia loos sei mai hotu iha ne’ebá. Ne’ebé ita lalika lakon tempu”,tenik Branco.

Polémika ne’e mosu, tanba antes ne’e, líder nasionál Abílio Araújo haruka karta ida ba sekretáriu jerál partidu FRETILIN, Marí Alkatiri ho objetivu atu halo kongresu ba reestruturasaun iha partidu FRETILIN, liu hosi E-mail.

Maibe hatán ba karta ne’e, Sekretáriu Jerál Partidu FRETILIN, Marí Alkatiri, liu hosi konferensia imprensa, hafoin abertura retiru partidu FRETILIN nian iha munisípiu Viqueque, deklara, Abílio Araújo la’os fundador no la’os mós militante partidu FRETILIN.

Enkuantu, Abílio Araújo hatan hikas ba deklarasaun Sekretáriu Jeral FRETILIN, Marí Alkatiri katak, durante enkontru importante sira Partidu FRETILIN nian iha tempu ne’eba, nia nunka haree Marí Alkatiri marka prezensa.Say

 


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker