GMN TV Politika Governu TL felisita Xanana-ConocoPhillips  PN hein Australia ratifika tratadu FM

Governu TL felisita Xanana-ConocoPhillips  PN hein Australia ratifika tratadu FM

0 views

Governu Timor Leste (TL), felisita Xefi Negosiador Prinsipal Fronteira Marítima (FM), Kay Rala Xanana Gusmão ho kompañia internasional ConocoPhillips ne’ebé asina ona akordu ida kona ba joint venture Greater Sunrise.

Ministru Estadu Prezidensia Konsellu Ministru, Agio Pereira, hateten, prosesu ne’e tanba, ConocoPhillips halo parte iha joint venture Greater Sunrise nian, entaun Timor Leste defende katak, kadoras tenki mai Beasu-Viqueque, maibé ConocoPhillips hanoin katak, komersialmente di’ak liu ba Darwin Australia, tamba ne’e nia opsaun ne’e la kona malu.

“Nia opsaun ne’e la hasoru malu, mak diskuti atu oinsa Timor Leste bele hola tiha asoens ne’ebé ConocoPhillips iha hamutuk 30%, ne’ebé kalkula tuir osan millaun US$ 350. Primeiru Ministru, Taur Matan Ruak, felisita parte rua, ne’ebé hetan ona akordu ne’ebé benefisia parte rua, no sei fó dalan ba Timor Leste atu kontinua halo diskusaun ho membru sira seluk husi joint venture greater sunrise nian kona- ba dezenvolvimentu rekursu greater sunrise iha futuru”,informa Agio Pereira ba jornalista sira iha Palásiu Governu, Kuarta (03/010).

Tanba ne’e mak Estadu Timor Leste konkorda hodi halo akijisaun hodi Timor Leste liu husi Timor Gas And Petroleum (GAP) hola parte iha joint venture ne’e.

Partisipasaun ConocoPhillips nian ne’ebé sosa husi Governu depende ba aprovasaun kona-ba finansiamentu husi Konsellu Minsitru no husi Parlamentu Nasional Timor Leste nian, nune’e mós autorizasaun regulamentar sira no direitu espesial parseiru sira nian.

Tranzaksaun kona-ba fa’an kobre partisipasaun husi ConocoPhillips iha kontratu partilla produsaun 03-19 no 03-20 no iha arrendamentu sira retensaun nian NT/RL2 no NT/RL4. Tranzaksaun ne’e sei remata iha trimester dahuluk tinan 2019.

Kampu gas ne’ebé koñesidu ho sunrise no lokaliza besik kilometru 150 iha sudeste Timor Leste nian, no kilometru 450 iha Darwin teritóriu Norte nian.

Parseiru sira ne’ebé partisipa iha joint venture ne’e mak hanesan, Woodside partisipa ho asoens 33,4%, Governu Timor Leste sosa asoens ConocoPhillips nian ho montante 30%, Shell ho asoens 26,6%, no Osaka Gas 10 %.

PN hein Australia ratifika tratadu FM

Prezidenti Parlamentu Nasional (PN), Arão Noe, deklara, atu ratifika tratadu Fronteira Marítima (FM) entre Timor-Leste (TL) ho Austrália, PN Timor-Leste sei hein informasaun husi parlamentu Austrália.

“Sé ita ratifika uluk tiha mós labele tama em vigor, enkuantu Australia seidauk ratifika, iha ida ne’e maka ita sei hein, la’os hanesan sosiedade sivíl balun komenta, katak PN maka la fó importansia ba ratifikasaun FM. Ami prontu hela atu ratifika, mais porenquanto Governu seidauk adianta mai, tanba sei haree sistema husi nasaun ne’ebé ita atu asina ne’e, sé sira nia ratifika ona, ita mós tenki ratifika ho oras ne’ebé hanesan, prontu tama em vigor, iha loron ida,” Prezidenti PN ba jornalista sira, wainhira partisipa selebrasaun aniversáriu deklarasaun universal demokrasia ba dala 21, iha salaun konferensia ministériu finansas, Aitarak Laran, Dili, Kuarta (03-10-2018).

Nia esplika, kona-bá tratadu FM, ne’e la’os problema TL nian de’it, kuandu entre em vigor, nasaun rua (2) ne’e tenki ratifika hotu no iha fulan hat (4) ba kotuk, Australia informa katak, sira hatama ona ba iha sira-nia parlamentu.

“Como sira nia tempu mínimu fulan 8 iha parlamentu, para bele aprova ou ratifika rezolusaun ida, agora kona-bá ita nian, laiha problema, sé Governu aprezenta mai dentro semana 1 ou 2, ita bele rezolve, tanba ne’e ita hein, Australia ninia prosesu,” haktuir Arão Noe.

Xefi Órgaun lejislativu ne’e akresenta, antes ne’e nuudar Prezidenti PN, hato’o ona ba embaxador Australia,katak sé diak liu nasaun 2 ratifika iha loron no oras ne’ebé maka hanesan, nune’e públiku labele kestiona katak, PN maka la fó inportansia ba asuntu ida ne’e.

Entretantu akordu ba FM entre TL ho Austrália ne’e, asina husi eis Ministru Adjuntu Primeiru Ministru ba Asuntu Delimitasaun Fronteira Marítima, Agio Pereira ho Julie Bishop eis Ministra Negósiu Estranjeiru Austrália iha Nova Iorke, loron 6 marsu, tinan ne’e.

Parseiru sira ne’ebé partisipa iha joint venture ne’e mak hanesan, Woodside partisipa ho asoens 33,4%, Governu Timor Leste sosa asoens ConocoPhillips nian ho montante 30%, Shell ho asoens 26,6%, no Osaka Gas 10 %.Cos/ves


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker