GMN TV Politika KM aprova rezolusaun apoia resensiamentu eleitoral Guiné Bissau

KM aprova rezolusaun apoia resensiamentu eleitoral Guiné Bissau

0 views

Reuniaun Konsellu Ministru ne’ebé hala’o iha Kuarta (03/10), Governu aprova ona rezolusaun ida atu kontinua fó apoiu ba prosesu resensiamentu eleitoral iha nasaun Guiné Bissau.

Ministru Estadu Prezidensia Konsellu Ministru, Agio Pereira, hateten, Governu mós deside hodi nomeia Tomas Cabral atu xefia misaun apoiu ba Guiné Bissau ne’e.

“Konsellu Ministru aprova mós rezolusaun Governu nian kona ba apoiu prosesu resensiamentu eleitoral Guiné Bissau nian, hodi kria ajensia ida ne’ebé hanaran, Misaun Apoiu Prosesu Eleitoral  Guiné Bissau nian. Governu mós nomeia Tomas Cabral atu Xefi misaun apoiu ne’e,” informa Agio Pereira ba jornalista sira iha Palásiu Governu, hafoin reuniaun KM.

Nia esplika, total orsamentu ne’ebé Governu atu apoiu ba prosesu resensiamentu eleitoral Guiné Bissau mak, US$ 8 mill  resin.

Iha reuniaun Konsellu Ministru ne’e mós, aprova rezolusaun importante ida kona ba, atu estabelese regras ekusaun OJE 2018.

Nia esplika, kada tinan tenki iha duni lei ezekusaun Governu nian, hodi estabelese regras ne’e.

Reuniaun Konsellu Ministru mós rona aprezentasaun ida ne’ebé importante tebes, kona ba eko-turismu.

“Hanesan ita nia tasi nia rikusoin, hanesan baleia sira ne’e, tanba ida ne’e úniku, so ita nia rai mak iha, sira hakarak iha tinan 10 nia laran dezenvolve hodi fó apoiu ba ekonómia ita nia rai nian, tanba matenek nain sira dehan katak, se ita dezenvolve didiak, sei hatama biliaun US$2 ba ita nia ekonómia, atu tulun sustentabilidade ekonómia tia nia rai nian, no atu dada turismu mai ita nia rai,” relata Agio.

Konsellu Ministru mós apoia, no apresia tebes aprezentasaun ida ne’e, ne’ebé hanaran invodor, tanba primeira ves ema barak atu fó sira nia tempu atu projeta Timor Leste hanesan rai ida ne’e úniku iha mundu.cos


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker