GMN TV Economia OJE 2019 US$1.3 billiaun, proposta adicional millaun US$650  Prioridade governu ba 2019 iha 7

OJE 2019 US$1.3 billiaun, proposta adicional millaun US$650  Prioridade governu ba 2019 iha 7

0 views

Komite Revizaun Orsamentu Politika (KROP) halo revizaun ba Orsamentu Jeral Estado (OJE) 2019 ho motante US$1.350 billaun nebe inklui ona osan atu sosa asaun Conocophilips Millaun US$350, tamba nee Ministeriu sira no instituisaun sira Estadu nian apresenta proposta adicional millaun US$650, no proposta adicional nee sei deside iha Konsellu Ministru. 

Diretor Geral Ministeriu Finansas, Januario da Gama, hateten proposta ne’ebe ekipa tekniku Ministeriu Finansas aprezenta ba KROP relasiona ho tetu OJE 2019 ne’ebe Ministériu Finansas distribui ba Ministériu no Instituisaun hot-hotu, hafoin Ministériu no Instituisaun sira simu sira nia pakote aprezenta ba KROP ba ho adisional balu.

Durante semana ida nia laran nee KROP halo apresiasaun no rona fundamentu husi proposta ne’ebe Ministério no Instituisaun sira aprezenta iha adiosional nune’e orienta ba ekipa tekniku halo diskusaun tekniku ho Ministério no Instituisaun sira para oinsa bele hetan justifikasaun no rasionalizasaun ba proposta adisional sira ne’e.

“Tetu ne’ebe distribui ba OJE 2019 originalmente Ministeriu Finansas fo hamutuk US$ billiaun 1.350 milhõns. Husi total ne’e inklui mos US$ 350 milhões hodi sosa asões ba Greater Sunrise. Entaun ami haree katak US$ billiaun 1.350 milhões ne’e US$ 350 aloka ba sosa asões, no US$350 milhões ne’e okupa despezas iha tinan 2019 ninian. Entaun proposta adisional sira mai ne’e KROP halo apresiasaun ida para bele hetan rasionalizasaun ida,” hateten Diretor Geral MF, Januario da Gama iha Komferensia Imprensa iha Ministeriu Finansas, Aitarak-laran, Dili, Segunda (29/10/2018)..

Diretor nee hatutan VIII Governu Konstitusional iha tinan 2019 hanesan tinan dahuluk ba sira atu implementa sira nia programa no prioridade principal sira ne’ebe hatur ona iha sira nia programa tinan 5 nian, ne’ebe proposta adicional sira ne’ebe aprezenta mai KROP halo apresiasaun ruma depois bele hasa’e tetu OJE oitoan, maibe sei preleminaria ida, hein desizaun husi Konsellu Ministru, no desizaun ikus ba montante OJE 2019 nian iha loron 6 Novembro tinan ne’e

Januario da Gama dehan, hafoin Konsellu Ministru deside fila fali, tetu OJE 2019 no distribui fali ba Ministeriu Finansas hodi halo revizaun maka tuir kalendario katak iha loron 8 Novembro tinan ne’e, Governu lori ona OJE 2019 ba Parlamentu Nasional.

“Tanba proposta adisonal mai, no KROP ho ekipa tekniku halo rasionalizasaun kona ba despezas no programa ne’ebe sei halo iha tinan oin. Entaun ami haree katak US$ 350 milhões ne’e okupa despezas todan ida iha tinan 2019, ne’ebe ami halo diskusaun ida para oinsa iha necessidade hodi aumenta tan plafon nune’e VIII Governu mos bele implementa ninia programa iha tinan 2019,” dehan Januario da Gama.

Programa prioriedade VIII Governu Konstitusional ba tinan 2019 iha setor hitu (7), setor Infraestrutura, Saúde, Edukasaun, Agrikultura, Dezentralizasaun Administrativa, Turismo no setor Turismo.

Tuir Januario Gama katak prioridade nasional 7 ne’e maka finansia ho orsamentu billiaun US$1 ladun suficiente para hatan prioridade sira ne’e iha tinan 2019,tanba ne’e OJE 2019 sei sa’e tan, maibe sei hein desizaun husi Konsellu Ministru.

“Proposta adicional hamutuk US$ 650 milhões, kuandu tau hamutuk ho tetu ne’ebe distribui ba ministério sira hamutuk US$ billiaun 1.950 milhoens, entaun husi total ida ne’e maka durante loron hitu KROP halo apresiasaun no ekipa tekniku husi parte kapital dezenvolvimentu no ekipa husi linha ministério sira inklui ekipa tekniku ne’ebe lidera husi Ministério Finanças ho gabinete Primeiru Ministru através unidade planeamento instituisaun  avaliasaun halo filterlizasaun ida no halo rasionalizasaun ba proposta adisonal sira ne’e para depois bele haree katak proposta adicional ne’e iha fatin para hatama,” esplika diretor.

Januario da Gama haktuir, tenkniku KROP iha utiliza meterologia tolu para halo filterlizasaun maka, proposta adicional ne’ebe maka aprezenta tenke iha alinhamentu ho prioridade nasional tinan 2019, proposta sira ne’e tenke reflete mos kapasidade finansiamentu, signifika assegura prinsipiu sustentabilidade fiscal.

Governu mos lakohi para osan sira ne’ebe investe iha rai liur labele gasta deit ba período ruma depois iha período longo prazu mai hetan dificuldade, liga mos ba iha risku no efeito katak proposta adicional ne’e la fo karik iha tinan 2019 ne’e impaktu ba instituisaun Governu ne’e oinsa los, fo karik ninia efeito ba prioridade nasional ne’e oinsa no efeito ba setor prioridade sira ne’e oinsa los, depois meterologia seluk mak kona ba kapasidade ka desempenho ezekusaun husi ministério no instituisaun sira.

“Husi total US$ 650 milhoens kuaze metade  maka ami halo filterlizasaun, tanba iha alinhamentu ho necessidade instituisaun nian, no prioridade nasional VIII Governu nian entaun ami halo filterlizasaun hodi rekomenda ba Konsellu Ministru  katak presiza hasa’e pakote OJE 2019 nian ka lae,” Januario da Gama afirma. mia


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker