GMN TV Politika PLP dezafia FRETILIN aprezenta kandidatu KAK

PLP dezafia FRETILIN aprezenta kandidatu KAK

0 views

Deputadu bankada PLP, Francisco de Vasconcelos, dezafia deputadu sira husi bankada FRETILIN atu aprezenta kandidatu ba komisáriu Komisaun Anti Korupsaun (KAK) ne’ebé FRETILIN hakarak, hodi nune’e labele abandona beibeik servisu KAK nian no pendenti bebeik ajenda eleisaun ba komisáriu.

“Ajenda ida ba komisáriu KAK ne’e ha’u dezafia hela FRETILIN. Imi FRETILIN nia hakarak kandidatu saida ita lori agora, doque ita bo’ot sira FRETILIN kuandu tama ba ajenda ida ne’e sai,  agora tama ba dala 6 ona, depois ita retira, tenke foti desizaun ida, hakarak halo negosiasuan, ita negosiasaun agora, tanba ne’e Estadu nian, ita hotu uza sentimentu la rezolve problema”,hateten Vise Xefi bankada PLP, Francisco Vasconcelos liu hosi plenária, Segunda (01/10/2018).

Deputadu AMP ne’e akresenta, nia parte rejeita atu fó fila lista kandidatu ne’ebé antes ne’e governu aprezenta ona, hanesan Adérito Tilman ho Sergio Hornai,  tanba Parlamentu iha dever atu deside.

“Horibainhira iha enkontru líder bankada ha’u dehan ita bele ko’alia kedas, opozisaun nia hakarak ne’e saida?, aprezentasaun kandidatu seluk, ita halo lista konsensual mós ita halo iha ne’e, maibe kuandu Prezidenti dehan ita husu fali governu halo lista foun, ha’u la konkorda, tanba lista ne’e mai tiha ona, kompetensia aprezenta lista ne’e mai husi governu, Parlamentu tenke foti desizaun”,hateten  deputadu PLP ne’e.

Iha biban hanesan, Xefi bankada FRETILIN, Aniceto  Guterres, husu meja retira ajenda ba komisáriu KAK ne’ebé meja inklina kada plenária Segunda no Tersa, tanba FRETILIN labele priense kuorum, bainhira seidauk iha kandidatu konsensual.

“Segunda, Tersa tau ajenda, para depois bankada FRETILIN la partisipa, depois imi dehan bankada FRETILIN mak hakarak trava prosesu no blokeia prosesu, tanba ne’e mak kuandu atu eleje komisáriu foun, bankada Parlamentar sira tenke konkorda hotu”,katak Aniceto .

Eis Prezidenti Paralamentu Nasional ne’e realsa, presiza haree kandidatu ne’ebé haknaar-aan iha Ministériu Públiku ka Prokurador Jeral Repúblika, atu nune’e bele garante servisu kombate korupsaun ne’e ho efetivu.

“Ita hakarak servisu kombate korupsaun ne’e bele la’o efetivu, ita tenke haree situasaun ida ne’e. Se ita bo’ot (AMP) sira aprezenta kandidatu, naran kandidatu se de’it husi Ministériu Públiku, Prokurador ka ne’ebé besik hanesan primeira klasse sira ne’e, ita bo’ot (AMP) sira aprezenta mai, ohin kedas FRETILIN priense kuorum iha ne’e, para ita ba votasaun, para ita rezolve fatin mamuk ne’e”,subliña deputadu Aniceto .

Antes ne’e, deputadu bankada FRETILIN, Francisco Branco, konfirma, bankada FRETILIN iha ona kandidatu ida ne’ebé mai husi Prokurador Jeral, maibe seidauk bele publika naran, no sei rekomenda ba governu atu bele aprezenta fali ba Parlamentu hodi halo eleisaun.

Mandatu eis komisáriu KAK, Adérito Tilman, remata ona dezde loron 15, fulan Jullu, tinan ne’e.Say


Banner

Foto

Notisia Ikus

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker