GMN TV Politika Xanana informa ba PR sosa asaun ConocoPhillips 30% ■Ezije aprezenta relatóriu servisu

Xanana informa ba PR sosa asaun ConocoPhillips 30% ■Ezije aprezenta relatóriu servisu

0 views

Xefi Negosiador Prinsipal Fronteira Marítima, Kay Rala Xanana Gusmão, Kinta (11/10/18), hasoru malu ho Prezidenti Repúblika (PR), Francisco Guterres ‘Lú Olo’, hodi informa kona-ba Timor-Leste sosa ona asaun (saham-red) husi kompañia Amerikana ConocoPhillips 30% ka vale ba osan millaun US$350.

Prezidenti Repúblika (PR), Francisco Guterres ‘Lú Olo’, hatete, iha sorumutu ho Xefi Negosiador Prinsipal Kay Rala Xanana Gusmão, ne’e koalia prosesu negosiasaun ne’ebé ikus mai konvense kompañia ConocoPhillips fa’an nia asaun ba TL, no husu mos ba Xefi negosiador atu aprezenta relatóriu ba nia hodi bele hatene.

“Hasoru  malu ne’e, koalia kona-ba akontesimentu sira ikus ne’e,  sosa saham (asaun) ConocoPhillips nian, proseu fronteira marítima, maibe ami koalia la barak ida, hanesan bele fo hela de’it informasaun. Tanba ne’e ha’u  husu ba sua exelensia Xanana Gusmão hanesan Negosiador Prinsipal, fila-fali mai tenki  relatóriu ida kompletu kona-ba prosesu akordu sira ne’e,  para ita bele diskuti no hatene klean liu tan”,dehan PR Lú Olo, hafoin remata hala’o abertura ba kongresu datolu CCITL, iha Hotel Novo Turismo, Díli.

Alende ne’e, Lu-Olo mos hatan kona-ba situasaun ne’ebé akontese antes, Xanana Gusmão, krítika ba desizaun Lú Olo nian, hodi la fo pose ba membru Governu nian 9 ne’ebé lista sei pendenti hela.

“Ne’e ambiente normal, maske Xanana Gusmão, hala’o krítika, ba desizaun ne’ebé ha’u foti, maibe hanesan Xefi Estadu, no ha’u hakarak haree kestaun ne’ebé importante, no haree kona-ba futuru povu no nasaun nian”,akrsenta Xefi Estadu ne’e.

Maske nune’e, antes ne’e, Kay Rala Xanana Gusmão, hatete, uluk iha membru VII Governu nian balun kona hela kazu, maibe PR Lú Olo fo pose, maibe ida ne’e labele fali, no Xanana mos dehan, sira hirak ne’e Tribunal hasai ona karta ida katak, sira nain 9 ne’e laiha kazu ruma.Oly


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker