Vise Primeiru Ministru no Ministru Planu Ordenamentu, José Reis, informa, Governu sei buka solusaun ba projetu 44 ne’ebé dadaun ne’e iha hela Ministériu Públiku (MP) atu halo pagamentu.
“Ate agora ami seidauk simu buat ruma husi MP, maibé ami tenta nafatin, tanba ida ne’e uluk bankada FRETILIN rasik mak haruka ba MP, maibé MP sei halo hela análiza ate agora seidauk iha rezultadu,” haktuir Vise Primeiru Ministru no Ministru Planu Ordenamentu ne’e iha Palásiu Governu, Sesta (09/10/2020).
Governante ne’e subliña, atu afirma dala ida tan katak, husi projetu 142 ne’e projetu 90 resin mak foti ona desizaun atu selu, tanba iha kontratu projetu 44 ne’e laiha kontratu, maibé Governu iha nafatin vontade atu bele solusiona problema ne’e.
“Ita hotu hatene katak empreza balun halo ona servisu, ita labele husik atu sira sai vítima ba prosesu ida ne’e, ho ida ne’e ami buka hela solusaun, hodi solusiona problema ida ne’e,” tenik, Vise PM José Reis. Cin
