GMN TV Politika CNRT “deteta” artigu balu iha LEO inkonstitusionál

CNRT “deteta” artigu balu iha LEO inkonstitusionál

165 views

Deputada bankada CNRT, Fernanda Lay, deteta, proposta Lei Enkuadramentu Orsamentál (LEO) iha artigu balu inkonstitusionál.

Nia esplika, iha artigu 95, 97 no 99 hatete klaru kona-ba kompeténsia saida mak Parlamentu Nasionál (PN), no saida mak kompeténsia Governu nian. No bainhira aumenta tetu despeza ho tetu reseita, Governu labele aprova, tanba ne’e tenke lori ba PN mak aprova tuir artigu 95.

“Ami-nia análize no mós pareser hosi Câmara de Contas, no parseiru komisaun C  nian, ami detekta iha inkonstitusionalidade, liu-liu iha artigu 73, tanba artigu 95, 97, 99 klaru iha ne’ebá katak, saida mak kompeténsia PN nian, saida mak kompeténsia Governu nian. Governu labele aprova, bainhira aumenta tetu despeza ho tetu reseita, nia tenke lori mai PN, ne’e kompeténsia PN nian, klaru hatúr iha artigu 95, depois ezemplu kontratu ida mak ita hotu hatene, retifikativu sira dehan legál, maibé ami dehan ilegál, tanba muda programa tenke lori mai PN,” hatete Deputada bankada CNRT, Fernanda Lay, iha PN Segunda (25/10).

Fernanda Lay afirma, Tribunál Cámara Contas mós protesta situasaun, tanba ne’e bankada CNRT aprezenta ona rekerimentu 11 iha diskusaun finál globál, nune’e atu hadi’a, maibé rekerimentu hirak ne’e kuaze la pasa hotu, no dalan ikus mak CNRT sei rekore rekurusu ba Tribunál Rekursu hodi tetu.

“Ami nian (rekerimentu) 11, bankada Govenru rasik mós iha rua, se la-sala, hahú hosi artigu 4, katak Governu hakarak ne’e iha orsamentu komplementár nian, uza dadaun orsamentu 2022, depois 2021 nian la’o nafatin sem limite. Ida ne’e mak halo Governu konta labele konta saldo ne’ebé tránzita, ne’e laloos, aban-bainrua sala” katak nia.

Ministru Finansa, Rui Gomes, argumenta, Governu tau artigu ida kona-bá osan ne’ebé ezekuta la hotu, tanba seidauk iha governasaun ida ne’ebé ezekuta Orsamentu Jerál Estadu (OJE) atinje porsentu 100, tanba ne’e, konsidera osan ida ne’e hanesan reseita ba OJE.

“Nia em numera de’it saida mak ita bolu dehan hanesan reseita,  pedidu ne’e atu hasai tiha saldo jerénsia ida ne’e, ami hateten katak la’e! tanba saldo jerénsia ne’e mós hanesan reseita ida,  tanba no fim do ano nunka iha orsamentu ne’ebé bele ezekuta to’o 100%, entaun osan sempre restu. Osan kuandu restu, tenke inskreve, tanba ne’e mak tenke prevé iha ne’e, tanba nia mós nu’udar reseita ida” konfirma, Rui Gomes.

Proposta Lei Enkuadramentu Orsamentál ne’e, pasa ona iha faze jeneralidade no espesialidade, no dadaun ne’e diskusaun iha faze finál globál.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker