GMN TV Politika CNRT: Governu lakohi rezolve problema transporte marítima ba RAEOA

CNRT: Governu lakohi rezolve problema transporte marítima ba RAEOA

46 views

Deputada bankada CNRT, Lucia Taeki, hatete, transporte marítima ne’ebé atu substitui ró Nakroma dadauk ne’e sai preokupasaun boot ba povu Reziaun Autónomu Espesiál Oe-cusse Ambeno (RAEOA)

Nia argumenta, mate-isin Oe-cusse-oan na’in rua sei rai nafatin iha mortuáriu Hospitál Nasional Guido Valadares (HNGV), tanba transporte marítima ne’ebé halo operasaun ba Oe-cusse, Governu seidauk rezolve.

“Bainhira mak atende preokupasaun povu Oe-cusse nian kona-bá substituisaun ró Nakroma? Tanba sa mak ha’u ko’alia hanesan ne’e, agora dadaun mate-isin na’in rua rai hela iha mortuáriu, ida rai durante loron tolu ona no ida loron rua. Ho ida ne’e ha’u hanoin Governu la tau atensaun ba transporte marítima ba Oe-cusse nian, asuntu ida ne’e la’ós hau mesak mak ko’alia, maibe kuaze bankada CNRT hotu ko’alia,” lamenta Deputada Lúcia Taeki, iha plenária PN Tersa (12/10).

Nia afirma, ró ne’ebé dadauk ne’e hala’o hela operasaun ba RAEOA ne’e la’os ró pasajeiru, maibé ró ne’ebé úniku tula materiál konstrusaun no sasan nesesidade báziku sira.

“Iha Ró ida naran Bintang  Samudra, ne’e ró ba sasán. Ne’e mak passajeiru labele sa’e, tanba sasán barak, laiha fatin atu tur” kata nia.

Enkuantu bankada apoiu Governu mós, sujere ba Governu atu buka solusaun ba transporte marítima, hodi substitui ró Nakroma, tula passajeiru ba Oe-cusse no Ataúro.

“Ami mós preokupa, kontaktu ba Ministru (MTK) atu buka solusaun ba problema Oe-cusse nian, liu-liu transporte. Maibé loos duni, kona-bá mate- isin, ida ne’e ami hanoin husu urjentemente ba ministru, atu bele trata lori mate-isin urjentimente ba família sira” tenik Deputadu FRETILIN, Fabião de Oliveira.

Ministru Asuntu Parlamentár no Komunikasaun Sosiál, Francisco Jerónimo, konfirma, iha tempu badak Governu sei lori fila mate-isin na’in rua iha Mortuáriu HNGV ba Oe-cusse.

“Mate-isin na’in rua iha HNGV, agora iha mortuáriu, ami sei komunika ho Prezidente RAEOA, hodi tau atensaun atu nune’e bele lori fila fali ba Oe-cusse hodi haloot iha nia rai moris fatin,” responde governante ne’e.

Membru Governu ne’e garante, transporte marítima ne’ebé atu substitui ró Nakroma ne’e mak ró Berlin Ramelau, ne’ebé dadauk ne’e viajen ona husi Cina mai TL, hodi halo operasaun.

“Ró Berlin Ramelau iha dalan mai ona, la kleur tan sei to’o iha Timor, atu nune’e bele halo fali ninia servisu, hodi substitui ró Nakroma”

Antes ne’e Governu kontrata ró Tranship II hosi Indonézia, hodi substitui ró Berlin Nakroma ne’ebé iha prosesu manutensaun, maibe kontratu refere la’o durante fulan rua de’it, tanba mosu polémika, no autoridade kompetente suspende operasaun, nune’e ró refere fila ona ba Indónezia.Say


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker