GMN TV Politika CNRT kontra feen ho la’en estranjeiru servisu hotu iha PN

CNRT kontra feen ho la’en estranjeiru servisu hotu iha PN

438 views

Deputada bankada Kongresu Nasionál Rekonstrusaun Timor (CNRT-sígla portugés), Carmelita Caetano Moniz, la konkorda desizaun Parlamentu Nasionál (PN) ne’ebé rekruta traballadór internasionál ne’ebé hanesan feen ho la’en servisu hotu kedas iha PN.

“Ha’u atu husu de’it, PN ida ne’e ita kontrata feen ho la’en ema internasional iha instituisaun ida de’it, feen iha sekretariadu adiminstrasaun no rekursu umanu, la’en enjeñeiru arkitektu ne’e. Seraque ita laiha ona enjeñeru arkitetu Timor-oan sira, atu bele haree dezeñu ba edifisu PN ne’e, liuhosi konkursu ka la liu hosi konkursu, sera que internasional mós laiha seluk ona? iha PN ne’e foin primeira-ves,” kestiona Deputada Carmelita Moniz, liu husi plenária semana ne’e.

Deputada opozisaun ne’e sujere, loloos tékniku hotu la presiza atu rekruta tan hosi rai-seluk, tanba hafoin ukun rasik-an, iha ona Timor-oan barak ne’ebé foti estudu espesialidade ba enjeñeiru, nune’e presiza fó konfiansa ba Timor-oan rasik.

Sekretáriu Jerál PN, Adelino Afonso, justifika, iha prosesu rekrutamentu la haree ba ema nia relasaun feen ka la’en, maibé hare ba ema nia kapasidade no estudu espesialidade.

“Kestaun ida rekruta la’en ho feen, iha prosesu rekrutamentu ne’e la haree ba nia feen ka la’en, maibé haree de’it ninia espesialidade ne’e saida? tanba laiha regra ida bandu” hatán Sekretáriu Jerál PN.

Estudu ba prosesu harii edifísiu foun ne’e, PN aloka osan rihun $250 iha proposta Orsamentu Privativu Parlamentu tinan 2022, liuhosi kategoria kapitál dezenvolvimentu.

Iha lejislatura anteriór, PN kontrata ona enjeñeru balun hodi halo dezeñu ba futuru edifísiu Parlamentu ne’e, maibe la konsege utiliza, tanba fatin la fiksu.

Ekipa tékniku PN lidera hosi Adjuntu Sekretariu Jerál PN, halo ona observasaun ba fatin ne’ebé Governu indika atu harii edifísiu PN foun ne’e iha Suku Caicoli, eis edifísiu World Vision nian to’o iha Ministériu Solidariedade Sosiál no Inkluzaun nia kotuk.Say


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker