GMN TV Politika CNRT “trava” sosa karreta foun ba PPN-VPPN

CNRT “trava” sosa karreta foun ba PPN-VPPN

374 views

Bankada opozisaun Kongresu Nasionál Rekonstrusaun Timor (CNRT-sígla portugés), kansela osan atu sosa karreta foun hamutuk sia, ba Prezidente Parlamentu Nasionál (PPN), Vise Prezidende Parlamentu Nasionál (VPPN) no seluk atu uza nu’udar karreta operasionál.

Tanba ne’e Deputada CNRT, Carmelita Caetano Moniz, iha loron 5 fulan Outubru ne’e, krítika no hatama proposta ida ba meza PN ho objetivu atu hasai tiha orsamentu ne’ebé aloka ba sosa karreta sia ne’e, tanba konsidera osan ne’e liu fali tetu orsamentál.

Iha Segunda loron 11, fulan ne’e, proposta alterasaun aprovadu iha PN ho votu a-favór 29 kontra 26 no abstensaun 3, nune’e pedidu sosa kareta ba PPN no VPPN ne’e kansela.

“Ami deputadu hira iha ne’e mós uza hela karrte ida mai husi terseiru lejislatura, no atu halo manutensaun ba kerreta ida ne’e ami uza osan ida mil quinentos deputadu sira hotu-hotu hetan ne’e,” hatete Deputada CNRT, Virgínia Ana Belo, nia intervensaun iha plenária.

Bankada apoiu Governu, Deputadu António Verdial, hatete, nia parte laiha obsesaun ba proposta ne’e, maibé nia la rekere atu sosa karreta foun, bainhira asume knaar nu’udar reprezentante povu.

“Prezidente, Deputadu úniku uja, empresta karreta iha administrasaun ne’e mak Deputadu Verdial, plat ne’e mak ha’u nian, karreta ne’e administrasaun nian, maibé ha’u la rekere dehan fó karreta foun mai ha’u” tenik Verdial.

PPN Aniceto Guterres Lopes afirma, nia laiha nesesidade no husu regalia, maibé tanba kondisaun karreta anti bala ne’ebé dadauk ne’e iha aat bei-beik, no karreta ne’e mai desde segunda lejislatura nian, tan ne’e nia la uja ona veíkulu ne’e.

No kona-ba karreta atu substitui karreta operasionál sira ne’e importante tebes, tanba karreta operasionál ne’ebé dadauk ne’e iha barak mak kondisaun aat, tanba kleur ona husi terseira lejislatura, no nia kustu manutensaun boot liu, kompara ho sosa foun.

“Kuandu ha’u hadia karreta ne’ebá ne’e nia kustu ne’e boot liu karreta bai-bain sira ne’e, tanba ne’e mak ha’u la uja, i ha’u uja ha’u nia karreta ida husi terseira lejislatura. Maibé depois kansela ne’e kestaun polítika ida, kestaun legalidade laiha buat ida, i ha’u iha direitu para atu reklama karreta ne’e ha’u nian,” katak Aniceto Guterres.

Proposta orsamentu privativu ba PN tinan fiskál 2022 nia montante millaun $14.900, ne’ebé aloka ba saláriu no vensimentu hamutuk millaun $5.600, bens no servisu millaun $6.638, kapitál menór rihun $935, kapitál dezenvolvimentu zero (0) no transferénsia públika millaun $1.552, husi montante osan ne’e iha aprovasaun ikus, konsege redúz ba millaun $14.604.

Orsamentu privativu PN millaun $14.604 aprovadu

Parlamentu Nasionál (PN) iha plenária Segunda (11/10), aprova ona orsamentu privativu PN nian ba tinan 2022 ho montante millaun $14.604 ne’ebé kompostu hosi kategoria saláriu vensimentu, bens servisu no kapitál menór no kapitál dezenvolvimentu.

Orsamentu privativu ba PN ne’e, aprovadu ho votu a-favór 45, kontra  0, no abstensaun 11.

Iha proposta, alokasaun ba saláriu no vensimentu hamutuk millaun $5.600,959 kompostu hosi saláriu no vensimentu ba funsionáriu no promosaun eskalaun millaun $1.600,000 no saláriu ba deputadu sira millaun $2.800,000, nune’e abonu reprezentasaun rihun $733.450.

Bens servisu millaun $6.5 kompostu hosi promove lasu amizade ho nasaun ka organizasaun internasionál sira, fiskalizasaun ba programa Governu, pagamentu ba asesór nasionál no internasionáll, ba komemorasaun tinan 20 konstituisaun RDTL ho formasaun no semináriu.

Iha kategoria transferénsia públika, hetan alokasaun millaun $1 resin, ne’ebé prevee mós rihun $90 ba atividade kooperasaun entre RTTL,EP ho Parlamentu Nasionál.Say


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker