GMN TV Politika Governu laiha intensaun oho povu ho vasina COVID-19

Governu laiha intensaun oho povu ho vasina COVID-19

42 views

Primeiru Ministru (PM) Taur Matan Ruak, hatete, programa Governu nian kona-ba kampaña nasionál vasina kontra COVID-19, la’os intensaun atu oho povu, maibé atu salva povu husi perigu corona vírus.

“Propaganda ne’ebé ema hatete, labarik feto sira simu vasina la hetan oan, katuas sira, inan aman sira ne’ebé simu ona vasina tinan rua tan mate, ne’e bosok, buat ne’ebé ita halo ne’e diak ba ema hotu, (tidak mungkin) Governu ida ba oho nia povu, oho fali nia aan, hau oho fali hau nia aan, hodi fase liman simu vasina, no mai hatete ita-boot sira simu vasina, ne’e iha mundu laiha,”  dehan Xefe Governu ne’e, hafoin hamutuk ho Vise Ministru Saúde Bonifaçio Maukoli dos Reis, hala’o kampaña vasinasaun ba komunidade iha Postu Administrativu Letefoho, Munisípiu Ermera, Segunda (11/10).

Matan Ruak afirma, programa ne’e la obriga komunidade sira atu simu vasina, maibé husu konsiénsia ba sidadaun sira atu simu vasina, tanba dalan úniku atu kombate virus ne’e mak tenke vasina.

Atualizasaun dadus husi Sentru Integradu Jestaun Krize (SIJK) to’o loron 11, fulan ne’e hatudu, populasaun ho idade 18 ba leten simu ona vasina iha territóriu nasionál ba doze dahuluk hamutuk 486.466 reprezenta porsentu 64.4, no vasina doze daruak hamutuk 306.508 reprezenta porsentu 40.6. No iha Munisípiu Ermera populasaun ne’ebé simu ona vasina doze dahuluk atinje ona porsentu 42.7 no doze daruak foin atinje 13.1.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker