GMN TV Politika Governu seidauk kompleta pagamentu konstrusaun ró Berlin Ramelau

Governu seidauk kompleta pagamentu konstrusaun ró Berlin Ramelau

84 views

Governu Timor-Leste (TL) seidauk selu hotu ninia obrigasaun ba ró Berlin Ramelau kuaze millaun USD 4, tanba ne’e ró Berlin Ramelau ne’e ninia konstrusaun konklui ona, maibé seidauk bele mai TL.

Tuir orariu, ró Pasajeiru Berlin Ramelau to’o TL, iha loron 11, fulan Outobru ne’e, maibé la konsege, tanba Governu presiza kumpri responsabilidade ne’ebé hakerek iha kontratu.

“Ikus liu maka ne’e ita mos tenki kumpri ita nia responsavel balu ne’ebé maka, klaru mensiona iha iha kontratu ne’eba, tanba ne’e mak APORTIL ho ekipa ne’ebé mak iha tenta organiza ho CNA para finansas, orsamentu ba ró refere, Governu Alemaña 50%, no ita Governu Timor-Leste 50%, agora Governu Alemaña kuaze selu hotu ona, hela USD 152 Mil, agora Governu Timor-Leste hela 3.5 Milhões Euro, ne’e kuaze USD 4 Milhões de Dolar Amerikanu, ita kuaze selu ona ba ró refere 75%, ha’u bele dehan atinji ona 80%,” esplika Prezidente Autoridade Portuáriu (APORTIL), Flávio Cardoso Neves, ba GMN, iha nia kna’ar fatin APORTIL Díli, Segunda (18/10).

 Nia afirma, la’os deit kestaun orsamentu, maibé kritériu balu ne’ebé presiza kompleta, no nia garante iha médiu fulan Novembru tinan ne’e, sei kompleta prosesu sira, nune’e bele garante trasporte marítima ne’e bele to’o iha TL.

Dadaun ne’e, APORTIL mós prepara ona tripulante Timor oan 30, atu servisu iha ró Berlin Ramelau, ne’ebé mak sei mai iha fulan Novembru ne’e.

“Kuandu ita atu mobiliza ró atu mai iha ne’eba kritéria barak mak tenki priense primeiru ema sira atu halo sertifikasi ba ró ne’e, tenki mai husi nasaun seluk desde Outubru araska la halimar ema atu asesu iha ne’ebá” katak nia.

Medida ró Berlin Ramelau hamutuk metru 67, no kapasidade atu tula pasajeiru hamutuk 350 pesoas.Tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker