GMN TV Politika Kandidatu ajente administrasaun 93 “kesar” MEJD ba PN

Kandidatu ajente administrasaun 93 “kesar” MEJD ba PN

281 views

Kandidatu Ajente Administrasaun (AA) 93 ne’ebé passa iha teste ba vaga lima ne’ebé Ministériu Edukasaun Juventude no Desportu (MEJD) loke iha tinan 2019, maibé to’o agora seidauk asina kontratu servisu. Tanba ne’e sira hato’o ona reklamasaun ba Parlamentu Nasionál (PN), liu-liu komisaun ne’ebé trata asuntu edukasaun juventude no sidadania, atu bele halo fiskalizasaun.

Kandidatu hirak ne’e, passa hotu ona iha faze teste hanesan, selesaun dokumentu, eskrita, entrevista, no aprezenta ona ba MEJD, maibé to’o agora, MEJD seidauk bolu ba hala’o servisu.

“Objetivu prinsipál ami rekomenda espesial ba komisaun G ne’ebé trata asuntu kona-bá edukasaun, atu halo fiskalizasaun, tanba iha proposta OJE 2020, MEJD temi mós ami nia naran, 93 pessoas, maske OJE ne’e aprova tiha ona, maibé Ministru abandona nafatin ami. Depois iha OJE 2021 tan, deputadu no deputada sira kestiona kona-bá ida ne’e, ministru hatán katak, prosesu ne’e hein semana ida para finaliza, mas prosesu ne’e abandona to’o agora,” afirma portavoz ba kandidatu na’in 93 ne’e hafoin hasoru malu ho Prezidente Komisaun G iha PN, Segunda (25/10).

Prezidente komisaun G ne’ebé trata asuntu edukasaun, António Verdial, afirma, Parlamentu Nasionál sei bolu Ministru Edukasaun Juventude no Desportu, Armindo Maia atu bele justifika ba problema hirak ne’e, inklui planu rekrutamentu profesór no inklui kona-bá infraestrutura bázika ba edukasaun nian ne’ebé inklina iha proposta Orsamentu Jerál Estadu tinan 2021.

“Klaru ami sei husu tanba saida mak la ezekuta orsamentu hirak ne’ebé mak PN aprova tiha ona ba, la’ós ida ne’e de’it, dala barak komisaun G mós levanta kona-bá Orsamentu ne’ebé aprovadu atu halo rekrutamentu ba iha professór ho montane 975 inklui 93 pessoas ne’ebé aprova iha tinan rua ba kotuk” dehan.

Rekrutamentu ba ajente administrasaun sira ne’e, hala’o iha tinan 2019, iha mandatu Eis Ministra Edukasaun, Dulce de Jesus. Maibé MEJD Armindo Maia, deklara, Ministériu kansela kontratu ba kandidatu hirak ne’e, tanba identifika iha iregularidade ba prosesu rekrutamentu.

Tipu vaga lima ne’ebé kandidatu sira konkore mak hanesan, Departamentu Rekursu Umanu, Kurríkulu, Infraestrutura, Imprime no Tékniku Impresaun.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker