GMN TV Politika KSDS-KE rekomenda PR haruka pedidu estensaun EE ba PN

KSDS-KE rekomenda PR haruka pedidu estensaun EE ba PN

37 views

Xefe Casa Civíl Prezidénsia Repúblika, Francisco Maria de Vasconcelos, hatete, Konsellu Superior Defeza no Seguransa (KSDS), ho Konsellu Estadu (KE), rekomenda ba Prezidente Repúblika (PR), Francisco Guterres Lú Olo haruka pedidu ba Parlamentu Nasionál (PN), hodi autoriza Xefe Estadu estende Estadu Emerjénsia (EE) ba dala-19.

“Konfinamentu agora laiha, Serka Sanitária laiha, ne’ebé depois Estadu Emerjénsia ba liu oinsá mak atu halo protesaun evita para virus ne’ebé mak atu tama ne’e bele evita ida ne’e,” informa Francisco Maria de Vasconcelos, hafoin remata enkontru konsellu rua ne’e, iha Palásiu Prezidensiál, Díli, Segunda (25/10).

Francisco Maria de Vasconcelos, dehan, desizaun ne’e haree liu ba evolusaun COVID-19 ne’ebé nasaun infrenta hela. No kona-ba medida sira iha EE ne’e, Governu mak sei deside liu husi reuniaun Konsellu Ministru (KM), nune’e bele hamenus risku transmisaun COVID-19.

Hafoin rona rekomendasaun husi KSDS-KE, iha parte loraik, Prezidente Repúblika haruka karta husu autorizasaun husi Parlamentu Nasionál. Enkuantu EE ba dala-18 nian sei vijente hela, to’o loron 29, fulan Outobru tinan ne’e.

Atualizasaun kazu COVID-19 husi sala situasaun Sentru Integradu Jestaun Krize (SIJK) to’o loron 25, fulan ne’e hatudu, kazu konfirmadu foun 4, kazu rekuperadu 15, kazu ativu 52, kazu komulativu konfirmadu 19.770, kazu óbitu foun (0), totál kazu óbitu iha TL 121.Ben


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker