GMN TV Politika Lakleur tan vasina Pfizer to’o TL

Lakleur tan vasina Pfizer to’o TL

62 views

Ministru Finansa (MF), Rui Gomes, informa, vasina kontra COVID-19 ho tipu Pfizer ba ema ho idade 12 to’o 17, la kleur tan to’o Timor-Leste.

Governante ne’e hateten, sidadaun ne’ebé di’ak, iha responsabilidade atu proteze ema seluk iha sosiedade, liu hosi kontribui no kolabora ho Estadu atu bele simu vasina, nune’e labele lori risku transmisaun COVID ba ema seluk, tanba vasina mak hanesan lutu ida hodi fó forsa ba isin atu kontra COVID-19.

“Vasina sira ne’ebé atu sosa ba ema sira hosi idade 12 anos ba 17 anos, la kleur tan to’o ona, iha jeleira atu konzela vasina ne’e, tanba ita kuandu sosa vasina Pfizer, ida ne’e nia tenke malirin malirin loos nian ne’e, la’os malirin hanesan jeleira babain ne’e la’e, malirin ida malirin át nian ne’e, entaun tenke sosa uluk tiha lai jeleira ne’e, jeleira sira ne’e to’o tiha ona iha SAMES, to’o tiha ona iha semana ida ne’e nia laran, agora sei halo malirin, hotu tiha ida ne’e mak aviaun sei tula,” dehan MF Rui Gomes, liu hosi kampaña Nasionál vasinasaun kontra COVID-19 ba komunidade iha suku Oenuno, Postu Administrativu Metinaro, Munisípiu Díli, Sábadu (09/10).

Prezidente Autoridade Munisípiu Díli mós apela ba komunidade iha Metinaro atu simu vasina, nune’e bele hamenus risku transmisaun COVID-19 ba ema seluk.

“Vasina ne’e importante, tanba ita moris iha uma kain, moris iha komunidade, moris iha aldeia ida ba to’o suku, ba to’o postu administrativu no munisípiu, ita hotu presiza asegura malu, ita asegura ita-nia hosi ita-nia família, tanba ita mós hatene katak ita nia oan ki’ik sira ne’e, 18 anos mai kraik seidauk vasina, vasina sei iha dalan, entaun ita asegura mós sira,”afirma Guilhermina Filomena Saldanha.

Dadus vasinasaun COVID-19 Munisípiu tolu mak persentajen ki’ik liu, mak hanesan Ermera foin atinje porsentu 42.6,  Bobonaro porsentu 46.5 no Ainaro porsentu 41.4. Iha Munisípiu Díli ema ne’ebé kompleta ona vasina doze dahuluk atinje ona porsentu 79.3.Say


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker