GMN TV Politika Militante partidu tolu nadodon tama CNRT

Militante partidu tolu nadodon tama CNRT

478 views

Militante 400 resin  husi partidu Frente Revolusionáriu Timor-Leste Independente (FRETILIN), Partidu Demokrátiku (PD) ho Partidu Libertasaun Popular (PLP), deside afilia ba Partidu CNRT, ne’ebé lidera husi Kay Rala Xanana Gusmão.

Seremonia afiliasaun ne’e hala’o iha Aldeia Guenuhan, Suku Odomau, Postu Administrativu Maliana, Munisípiu Bobonaro, Sábadu loron 10, fulan Outubru ne’e.

Desizaun militante hirak ne’e deside hamutuk ho CNRT, tanba Xanana Gusmão, mak bele ukun hodi salva rai no povu ida ne’e husi sofrimentu sira, iha ne’ebé nia hatudu ona hahú kedas husi okupasaun Indonéziu to’o iha era independénsia nia laran hala’o ona dezenvolvimentu lubuk ida.

“Ha’u mai husi delegada partidu FRETILIN deside hakarak afilia ba partidu CNRT ne’e ho razaun ida katak so partidu ne’ebé lideradu husi Maun Bo’ot Kay Rala Xanana Gusmão mak bele rezelve ami povu nia preokupasaun. Tanba situasaun agora ne’e, ami terus liu ona tanba Governu ida ne’e la halo dezenvolvimentu, maibé haree deit mak moras COVID-19” hatete  Paulina de Jesus.

Militante afiliadu Partidu Demokrátiku (PD), Norberto Barreto, dehan, nia hakarak apoia CNRT, nune’e bele halo mudansa ba situasaun ne’ebé dadaun ne’e povu enfrenta.

“Ita hotu hatene no sente ba situasaun ida agora ne’e, tanba povu barak mak susar buat hotu-hotu no mos juventude sira atu hetan servisu mos araska liu, tanba Governu ida ne’e ukun atu asegura deit mak sira-nia mandatu, laiha dezenvolvimentu ne’ebé bele hadia povu nia moris, maibé haterus deit nia povu iha baze,” katak Norberto.

Adjuntu-Sekretáriu Jerál Partidu CNRT, Francisco Guterres, agradese ba militante husi partidu seluk ne’ebé hakarak la’o hamutuk ho partidu CNRT hodi hadia fali rai ida ne’e ba di’ak liu.

“Agradese ba militante sira husi partidu seluk ne’ebé hakarak apoia partidu CNRT hodi fó biban ba Maun Bo’ot Xanana Gusmão bele ukun iha períodu tuir mai ne’e hodi hatúr konstituisaun RDTL no hadia povu nia preokupasaun liu-liu povu sira ne’ebé moris iha área remota. Tanba ne’e, husu ita hotu tenke apoia maun boot hodi rezolve povu no nasaun nia moris,” agradese.Aba


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker