GMN TV Politika PM Taur: Veteranu no idozu la vasina, sei la simu osan

PM Taur: Veteranu no idozu la vasina, sei la simu osan

402 views

Primeiru Ministru (PM), Taur Matan Ruak, hatete, posibilidade hahú fulan Dezembru tinan ne’e, veteranu no idozu (terseira idade) sira ne’ebé atu simu osan, tenke hatudu uluk kartaun vasinasaun, molok halo pagamentu.

“Agora ami haree hela, ne’e hanesan aviza ida ha’u hato’o hela ba ita-boot sira posibilidade aban bain-rua veteranu sira ba simu sira-nia osan, sira tenke hatudu kartaun vasina ne’e, terseira idade sira mós hanesan, tenke hatudu kartaun vasina, se nia la iha, nia sei la simu nia osan, ne’e sé mak ko’alia, ne’e ha’u Primeiru Ministru mak koalia,”afirma Taur, bainhira hala’o kampaña vasinasaun iha Suku Dukurai, Postu Administrativu Letefoho, Munisípiu Ermera, Segunda (11/10).

Xefe Governu ne’e hatete tan, la’os deit ba veteranu no idozu sira, maibé aplika mós ba labarik bolsa da mãe sira, Funsionáriu Públiku (FP), membru FALINTIL-Forsa Defeza Timor-Leste (F-FDTL) no Polísia Nasionál Timor-Leste (PNTL) sira.

Taur fundamenta, la preokupa ho kritika ne’ebé dehan impede direitu no liberdade sidadaun sira nian, tanba tuir nia direitu boot liu iha mundu mak direitu ba moris nian.

Tuir dadus husi SIJK, hatudu sidadaun iha territóriu nasionál ne’ebé simu ona vasina doze dahuluk atinje ona porsentu 65 no doze daruak foin atinje porsentu 41.2.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker