GMN TV Politika Posibilidade CNRT sei la akompaña Governu hala'o kampaña vasinasaun

Posibilidade CNRT sei la akompaña Governu hala'o kampaña vasinasaun

196 views

Deputadu sira iha Parlamentu Nasionál (PN) ohin (Sesta-red) loron 15, fulan Outobru, hahú tun ba baze akompaña membru Governu sira hala’o kampaña vasinasaun kontra COVID-19, hodi konvense populasaun atu simu vasina.

Bankada opozisaun CNRT, afirma, sira bele partisipa, maibé la’ós partisipa “nar-naran deit”, tanba karta husi bankada CNRT tama ona ba Prezidente Parlamentu Nasionál (PPN), Aniceto Guterres, atu bele esplika efeitu husi vasina AstraZeneca ne’ebé públiku kestiona fó kauza ba ema balu mate, hafoin vasinadu. Maibé PPN rasik seidauk responde karta bankada CNRT nian ne’e.

Nune’e deputadu sira husi CNRT sei hein resposta husi PPN, molok tun ba baze, nune’e bele iha informasaun detallu hodi epslika ba populasaun iha baze atu bele inteira no kompriende.

“Bankada hetan karta hosi PPN, fó naran ba deputadu sira ne’ebé atu partisipa, karta ne’e mai ona, horiseik ka horbainirua iha plenária mós ha’u husu, tanba líder bankada ne’e atu ko’alia kona-bá asuntu ida ne’e, mas presiza ba uluk mak Munisípiu tolu, relasiona ho pedidu ne’e,

“Ami bankada deside atu halo karta ba PPN, atu bele fó briefing ka esplikasaun kona-bá preokupasaun barak ne’ebé durante ne’e iha, entaun ami-nia pedidu ba PPN, halo pergunta 4 iha ne’e, ho intensaun atu hetan informasaun klaru, kona-bá situasaun ne’ebé ita hotu hasoru, polémika barak, hotu-hotu ko’alia relasaun ho vasina AstaZeneca, ami hein katak ho resposta ne’e mai hanesan ami presiza atu ba karik iha terrenu iha situasaun ruma ema husu bele fó esklaresimentu, ami haruka karta dezde dia 12,” dehan Xefe Bankada CNRT, Duarte Nunes, iha PN, Kinta (14/10).

Xefe Bankada FRETILIN, Deputadu David Dias ‘Mandati’, afirma, deputadu sira bankada FRETILIN preparadu ona atu tun ba baze, maibé Deputadu sira sei la obriga sidadaun atu vasina, eseptu fahe de’it informasaun.

 “Agora iha ona, atu la’o ona, programa mós iha ona. So que ha’u mak seidauk vasina, tanba ha’u sai hosi izolamentu, doutór sira dehan ha’u-nia ran ne’e sei kental oituan, entaun ha’u hein lai, liu tiha fulan rua mak ha’u bele vasina” tenik Mandati.

Osan ne’ebé sei utiliza ba kampaña vasinasaun ne’e mai husi fundu COVID ne’ebé Parlamentu Nasionál aprova iha Orsamentu Retifikativu, hamutuk millaun USD 287.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker