GMN TV Politika PPN Aniceto sei la entrega kareta Prado ba PN

PPN Aniceto sei la entrega kareta Prado ba PN

1,109 views

Prezidente Parlamentu Nasionál (PPN), Aniceto Guterres Lopes, promete katak, nia sei la entrega karreta Prado ne’ebé simu no halo leilaun hafoin mandatu Terseira Lejislatura remata, tanba tuir deputadu bankada FRETILIN ne’e la viola lei ruma.

Aniceto Guterres konsidera, desizaun kansela prosesu alieansaun ba karreta foun ne’e kestaun polítika, maibé kestaun legalidade laiha ona dúvida. Tanba ne’e, nia sei la entrega kareta ne’e, bainhira seidauk iha desizaun hosi Tribunál atu entrega.

“Ne’ebé ha’u uza ha’u-nia kareta ne’e to’o momentu ida desizaun Tribunál mai dehan partense ba Estadu, ne’e ha’u kumpre. Mas seidauk, ne’e la’e, keta ha’u-nia mandatu hanesan Deputadu hotu ona mós desizaun seidauk mai karik, ha’u lori sai,” tenik Aniceto Guterres iha diskusaun Orsamentu Privativu ba PN, Segunda (11/10).

Dadaun ne’e, PPN utiliza hela karerta Prado ne’ebé oferese ba Deputadu sira iha mandatu terseira lejislatura, maibé la utiliza karreta anti-bala ne’ebé oferese ba PPN, tanba kondisaun karreta la estavel.

Eis PPN no atúal Deputadu bankada CNRT, Arão Noe Amaral, sujere, atu deputadu Kinta lejislatura sira entrega karreta, bainhira mandatu remata, nune’e prepara ba Deputadu sira sesta lejislatura mai, tanba polémika ba alienasaun karreta Prado ne’e nia prosesu iha ona Ministériu Públiku.

“Totál ne’e karreta 12, 1 ba PPN, 2 ba vise, operasionál rezervadu 6 no operasionál ba sekretariadu 3. 9 iha leten ne’e ho presu USD 62 mil kada unidade, depois ida 3 ba operasionál iha sekretariadu ne’e, ho presu USD 42.600 itál kada unidade, ida ne’e mak presiza ita haree, tanba foin dadaun iha tinan kotuk ita halo tiha ona akizisaun ba karreta operasionál mai sekretariadu PN nian, kondisaun karreta sira uluk ne’e mós balun sei di’ak hela, la’os a’at totál. Tanba ne’e presiza halo análiza, ida ne’ebé a’at mak presiza halo leilaun, maibé ida ne’ebé di’ak, PN sei bele uza” dehan Arão Noe.

Karreta Prado ne’ebé Parlamentu Nasionál sosa iha Terseira lejislatura, iha fim do mandatu mosu polémika, tanba konsellu administrasaun deside fó leilaun ba Deputadu sira, maibé desizaun ne’e kansela, hafoin Deputadu barak konsege halo tiha ona leilaun.

Ho polémika ne’e, Deputadu no eis Deputadu 30 mak entrega ona karreta Prado ne’e ba PN, maibé Deputadu 35 seidauk entrega, kompostu hosi Deputadu ativu balun no eis Deputadu balun.

Prosesu kazu alienasaun ba karreta Prado ne’e, iha hela Ministériu Públiku, tanba aprezenta hosi eis PPN Arão Noe Amaral iha tinan 2019 atu prosesa tuir dalan legál,  maibé to’o agora PN seidauk simu notifikasaun ruma hosi Tribunál, kona-bá prosesu ne’e.Say


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker