GMN TV Politika PR Lú Olo: Mane lebele marjinaliza feto

PR Lú Olo: Mane lebele marjinaliza feto

46 views

Xefe Casa Civíl Prezidénsia Repúblika, Francisco Maria de Vasconcelos, tatoli mensajen Prezidente Repúblika (PR), Francisco Guterres Lú Olo nian katak, violénsia sempre mosu iha família nia laran tanba mane balu konsidera feto laiha poder iha uma-laran.

“Iha selebrasaun ida ne’e, ita labele marjinaliza feto sira, ha’u koalia ba mane sira ne’e ita tenke sai parseiru di’ak, ita tenke sai lideransa iha ita nia família, sira ne’ebé halo di’ak ita tenke dudu ba oin nafatin, reforsa sira ita tenke soe ita nia uzu kostume ida ita la hatene apresia ema, ne’e mak dala barak problema iha ita-nia uma ne’e,” dehan, Francisco de Vasconcelos, iha selebrasaun loron Mundiál Feto ba Rurál, ho tema Dezenvolve Feto Rurál, atu asegura ai-han diak ba ema hotu, iha Munisípiu Lautém, Sesta (22/10).

Sekretária Estadu Igualidade no Inkluzaun, Maria José da Fonseca Monteiro, afirma, Governu kompremitidu hodi apoiu feto rurál, liu husi sosializasaun no advokasia kona-ba programa sira halakon violénsia kontra feto.

Nomós hasa’e maluk feto sira nia koñesimentu liu husi fahe fini produtu lokál, nomós mákina produsaun sira hanesan ba feto iha área rurál, nune’e maluk feto sira bele sai ema ne’ebé kretivu no inovativu iha sosiedade.

“Alénde halon advokasia, koordena esforsu sira hodi asegura, ita iha igualidade no asegura inkluzaun komponente hotu iha ita nia sosiedade, ami mós halo programa empoderamentu ekonómiku hanesan fó apoiu fundu oituan ne’ebé hahú husi tinan 2019 ami hahú ho mekanismu rotativu” membru Governu ne’e.

Prezidente Grupu Muller Parlamentár Timor-Leste, Lídia Norberta iha dehan, koalia kona-ba dezenvolve feto rurál atu asegura ai-han ne’ebé diak, difikuldade boot mak bee-moos, hodi kanaliza ba uma ida-idak. Tanba asuntu bee sai fatór importante tebes iha vida umana.

“Ita iha bee barak ne’ebé mak iha, tuir los tenke iha hanoin oinsá mak halo barajen ida multifunsaun, signifika katak, ho barajen ita bele asegura bee ba irigasaun ba área agrikultura, ita ho barajen mós ita bele asegura bee tama ba ida-idak nia uma hodi nune’e ai-han seguru bele iha” katak Deputada ne’e.

Iha selebrasaun loron mundiál feto rurál ne’e, Xefe Casa Civíl entrega lívru diskursu Prezidente Repúblika Francisco Guterres Lú Olo durante mandatu tinan haat nian, ba Administradór Postu Administrativu Tutuala.Ben


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker