GMN TV Politika SEAKLN “defende” veteranu la impede dezenvolvimentu

SEAKLN “defende” veteranu la impede dezenvolvimentu

49 views

Sekretáriu Estadu Asuntu Kombatentes Libertasaun Nasionál (SEAKLN), Gil da Costa Monteiro ‘Oan Soru’, konfirma, preokupasaun públiku ne’ebé temi veteranu mak impede dezenvolvimentu ne’e lalos, tanba impede projetu ne’e ema individu, la’os reprezenta veteranu hotu.

“Lia-fuan ida sempre koalia veteranu impede dezenvolvimentu, veteranu impede dada eletrisidade, veteranu impede halo estrada ba povu, ema ida ba hamrik iha ne’ebá ne’e la lori veteranu ida, ita bo’ot sira buka haree iha ninia Sertidaun, apelidu naran ida veteranu iha Sertidaun laiha ne’e ka. Ne’ebé karik Gil mak impede, João mak impede, António mak impede ba nia. Kuandu ha’u ida Gil mak ba impede prosesu ruma Estadu nian, dehan Gil mak impede la’os veteranu mak impede,”esplika membru Governu ne’e, hafoin hasoru malu ho PR Francisco Guterres Lú Olo, Kuarta (13/10), iha Palásiu Prezidensiál Bairo-Pité, Díli.

Antes ne’e, Autoridade Lokál iha Suku Baboe Kraik, Postu Administrativu Atsabe, Munisípiu Ermera deklara, Aldeia hitu iha Postu Administrativu Atsabe seidauk asesu ba estrada no eletrisidade, tanba sempre hetan impedimentu husi veteranu balun iha postu ne’e.

“Ami maioria la asesu ba eletrisidade, tanba ne’e iha impedimentu hosi veteranu sira durante 2014 mai too agora, proposta ne’e ami hato’o ona iha ne’e iha Suku Baboe Kraik eletrisidade ne’e liu husi liña sentrais deit,” dehan Xefe Suku Baboe Kraik, Luis Fernandes.

Komunidade sira mos espresa sentimentu triste ba atitude veteranu balu iha Suku Baboe Kraik, tanba sira la brani atu kontesta, iha ne’ebé individu ida rua ne’e lori naran veteranu mak halo tauk komunidade. Tanba ne’e, komunidade sira ezije ba Governu atu ba oin fo atensaun sériu ba atitude veteranu balu ne’ebé tan deit nia “etu bikan ida” halo abuzu poder hodi impede dezenvolvimentu.

“Ami atu halo saida, sira mai dehan, ami veteranu, veteranu be ita atu halo nusa, tuir deit,”dehan komunidade ida ne’ebé lakohi fó sai ninia identidade.

Aldeia hitu ne’e kompostu husi Suku Baboe Kraik iha aldeia lima, Aldeia Atudose, Raibuiti, Kailulik, Lelibere, no Lauabe, no Suku Baboe Leten iha Aldeia rua mak hanesan Ilat no Koeleki.Ben


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker