GMN TV Politika Mensajen bloku AMP ba Estadu klaru ''Posivel Taur reprezenta Xanana diálogu ho PR''

Mensajen bloku AMP ba Estadu klaru ''Posivel Taur reprezenta Xanana diálogu ho PR''

0 views

Deputadu bankada CNRT, Natalino dos Santos, afirma, mensajen polítika bloku Aliansa Maioria Parlamentar (AMP) liu husi nia portavoz Taur Matan Ruak ba Estadu klaru, relasiona ho konstelasaun polítika ne’ebé la’o iha rai laran.

Tuir deputadu Natalino, Bloku AMP iha Parlamentu Nasional nia pozisaun forte tebes, atu tuir desizaun Xefi Estadu ho dalan konstitusionais. Tamba mensajen AMP nian ba Estadu klaru tebes, hanesan atu rezolve problema ne’ebé la’o oras ne’e dadauk iha dalan ida mak polítika no ida seluk mak konstituisaun.

“Ita iha espereansa katak saída mak Prezidente PLP maun Taur hateten iha dalan rua de’it ne’e, dalan polítika ou dalan konstitusional, maibe haré katak dalan polítiku iha PN iha ona bloku AMP ne’ebé forte tebes ho asentu 35, no dalan konstitusional mak kompetensia ba fali Prezidente Repúblika atu interpreta tuir konstituisaun. Tanba ne’e laiha tan dalan seluk, maibe loloos laiha problema ruma, normalmente ita-nia sistema semi-prezidensial, parlamentu mak sai baze atu bele garante governu ne’e forte, tanba ne’e agora bloku koligasaun ne’ebé iha labele garante nia governu,”esplika Natalino dos Santos, ba jornalista iha Parlamentu Nasional, Kinta (16/11/2017).

Entretantu, deputadu bankada CNRT, Natalino dos Santos, afirma, iha posibilidade Prezidente PLP, Taur Matan Ruak, reprezenta Kay Rala Xanana Gusmão, halo enkontru ho Prezidente Repúblika (PR), Francisco Guterres ‘Lu-Olo’, tanba Xanana orienta ona partidu opozisaun sira atu simu orientasaun husi Taur Matan Ruak nu’udar porta-voz bloku AMP.

Natalino afirma tan, dirijente partidu CNRT la marka prezensa iha momentu importante ne’e hodi halo diálogu tanba ho servisu Estadu nian, maibe iha lideransa PLP nian ne’ebé reprezenta PLP nu’udar mós porta-voz ka Prezidente Bloku AMP.

“Saída mak maun Taur ko’alia, fiar katak maun Xanana mós  sei hanoin hanesan saída mak  maun Taur ko’alia ona, tanba sira nain rua iha komunikasaun direta, no iha orientasoens mai ami bloku, katak hotu-hotu tenke rona orientasaun hosi maun Taur. Ha’u haré díalogu ne’e iha solusaun Maun Taur fo ona opsaun rua ba PR ida dalan polítika no konstituisaun, no ita-nia maun bo’ot Marí Alkatiri  mós hateten ona katak, nia sei tuir desizaun saída mak prezidente sei foti, maibe ne’e kompetensia tomak PR nian atu deside dalan saída de’it no ema hotu sei hakruk ba desizaun Xefi Estadu nian,”dehan nia.

Sorin seluk, Prezidente Bankada FRETILIN, Francisco Branco,  lamenta, tanba iha diálogu entre líder historiku nain 3 (Taur Matan Ruak, Marí Alkatiri no Kay Rala Xanana Gusmão) ho PR Lu-Olo la marka prezensa husi líder karismátiku Kay Rala Xanana Gusmão nu’udar líder bo’ot nasaun nian.

Branco mós rekomenda ba lideransa sira, tenki fuan boot atu tur hamutuk koalia ba nasaun nia lalaok tomak.

Enkontru entre Prezidente Repúblika ho líder históriku ne’e hala’o tiha ona iha loron 15 fulan ne’e, partisipa de’it husi Prezidente PLP, Taur Matan Ruak no Sekretariu Jeral FRETILIN, Marí Alkatiri.Say


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker