GMN TV Politika Opozisaun konsidera, Estrutura sombra VIII Governu iha MedSos lalos

Opozisaun konsidera, Estrutura sombra VIII Governu iha MedSos lalos

0 views

Bankada opozisaun CNRT, PLP no KHUNTO, iha Parlamentu Nasional (PN), ne’ebé forma ona Aliansa Maioria Parlamentar (AMP), konsidera estrutura sombra VIII Governu ne’ebé ema espalla iha Media Sosial (MedSos) lalos no falsu, tamba polítika ema balu nian hodi estraga imajen AMP.

Tuir Xefi bankada PLP, Fidelis Magalhães, katak, estrutura sombra iha media sosial ne’e, nia objetivu atu estraga de’it situasaun, tanba  AMP seidauk hanoin hodi diskuti kona ba ida ne’e.

“Estrutura sombra ne’e atu estraga deit imajen partidu tolu ne’e (CNRT, PLP no KHUNTO). Iha fulan hira ne’e nia laran, ami toman tiha ona atu hetan akuzasaun no hetan voatus, maibé polítika no demokrasia mak la’o hanesan ne’e,”katak Fidelis Magalhães ba jornalista sira iha PN, Tersa (14/11).

Nia hatutan, estrutura sombra iha media sosial ne’e, hanesan atentadu ida atu deskarakteriza AMP iha Parlamentu Nasional.

“Ami deskoñese situasaun ida ne’e, tanba nia objetivu ne’e atu estraga,” katak Fidelis.

Alende ne’e, Xefi bankada KHUNTO, Luis Roberto da Silva, mós hateten, informasaun ne’ebé agora espalla iha públiku liu husi media sosial ne’e, laiha relasaun ho polítika opozisaun nian iha Parlamentu  Nasional.

“Ita lalika politiza buat oi-oin ba ita-nia komunidade atu komunidade interpreta aat liu tan ida ne’e,”katak Luis Roberto.

Tanba ne’e, Luis Roberto husu ba públiku atu labele interpreta oi-oin hodi hatun fali dignidade bankada opozisaun sira iha Parlamentu Nasional.

“Ida ne’e ema balu ne’ebé la gosta bloku AMP, entaun sira halo ida ne’e atu polítiza situasaun hodi kria polémika iha ita-nia sosiedade nia leet,”katak nia.

Alen ne’e, eis Prezidenti Parlamentu Nasional, Aderito Hugo da Costa, hateten, nia lakohi komenta informasaun falsu ne’ebé ema espalla iha media sosial, tanba laiha relasaun ho polítika bloku koligasaun nian.

“Ema ida hanoin tau de’it iha media sosial, agora ita ba preokupa hodi fó fali resposta ba ida ne’e atu halo nusa, ita haree dokumentu ruma ne’ebé formal mak ita fó expresaun ba,”katak aktual deputadu CNRT Aderito Hugo.cos


Banner

Foto

Notisia Ikus

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker