GMN TV Politika Orsamentu Retifikativu atu selu dívidas governu anterior "montante US$ 223 milloens"

Orsamentu Retifikativu atu selu dívidas governu anterior "montante US$ 223 milloens"

0 views

Primeiru Ministru (PM)Mari Alkatiri, enkoraja deputadu sira iha parlamentu liu-liu bankada sira opozisaun nian, atu vota a favor ba Orsamentu Retifikativu (OR) atu nune’e VII Governu konstitusionál bele selu dívidas sira ne’ebé mak Governu anterior husik hela.

“Sé ita hotu-hotu iha bom sensu hakarak povu ne’e atu tuur hakmatek oituan, ita hakarak atu dívidas ne’ebé governu anteriór sira halo, ita atu selu. Ida ne’e la’os dívida VII governu nian. Ministru sira balun servisu hela maibé seidauk simu, tanba seidauk iha osan, sé lakohi governu ida ne’e atu selu entaun vota kontra, maibé sé hakarak governu ida ne’e asume nia responsabilidade ho sentidu Estadu atu selu dívida ne’ebé uluk halo tiha ona, entaun vota a favor,” hato’o Primeiru Ministru, Mari Alkatiri, ba jornalsita sira, Kinta (9/11) hafoin hasoru malu ho Prezidenti Repúblika, Francisco Guterres Lú Olo iha Palásiu Prezidénsial Nicolau Lobato, Bairu Pite Díli.

Xefi Governu ne’e esplika, OR tenki iha tanba atu selu nesesidades urjénsia sira.

“Orsamentu retifikativu tenki iha atu bele selu ba emprezáriu sira ne’ebé halo ona projetu sira no atu selu mós Ministru no Adjuntu Ministru foun sira ne’ebé hola parte iha estrutura VII governu nian”, nia esplika.

“Orsamentu retifikativu ne’e sa’e ho fundu infraestrutura, sé laiha fundu infraestrutura, osan ne’e iha governu laran bele hasai husi ne’e, tau iha ne’ebá no la presiza husu tan, tanba fundu infratrutura ne’e nia mai dívida,”hatutan Mari Alkatiri.

Nia hateten tan katak, orsamentu retifikativu iha tinan 2017 la’os 1. 6 billaun, maibé Orsamentu Jeral Estadu 2017 tomak mak 1.6 billoins no orsamentu retifikativu de’it iha 400 ital milloins.

montante US$ 223 milloens

Husi sorin seluk Ministru Prezidensia Konsellu Ministru, Adriano do Nascimento Kinta (9/11/17), aprezenta Orsamentu Retifikativu (OR) ba Parlamentu Nasional ho montante US$ 223 milloens, nune’e PN bele viabiliza hodi responde nesesidade urjensia nasaun nian.

Orsamentu Retifikativu (Penambahan Anggaran-red) ho montante US$ 223 milloens ne’e atu mai kompleta orsamentu Jeral Estadu 2016 nian ne’ebé ho montante US$ 1 biliaun resin.

“Ha’u ho Vise Ministra Planu no Finansas, ami mai iha ne’e ami lori Orsamentu Retifikativu fo ba Prezidenti Paralamentu Nasional, nune’e parlamentu bele hahu hare i ohin prezidenti hatete katak, sira sei halo posesu internal, tuir rejimentu paralamentu nian, nune’e governu hein deit, bainhira mak parlamentu halo ajendamentu, nune’e governu prontu atu mai hodi deskuti orsamentu retifikativu ne’e,”hatete Ministru Prezidensia Konsellu Ministrus, Adriano do Nascimento, ba jornalista sira iha PN.

OR ne’e haree liu ba nesesidade urjensia nasaun nian. Tuir Adriano Orsamentu 1.6 biliaun ne’e, VII Governu la lori hotu kedas ba PN. “US$ 1 biliaun ne’e orsamentu ida uluk nian, kuaje aumenta tan halo reajustamentu US$ 223 milloens resin mak lori halo ajustamentu, 223 miloens resin mai para haree kestaun emergensia nebe nasaun presiza rezolve iha Novembru no Dezembru nia laran,”dehan Adriano.

OR ne’ebé VII Governu lori ba PN ne’e atu haree ba problema saude, edukasaun no elektrisidade, projetu infraestrutura sira no mós sira seluk tan.

“Orsamentu Retifikativu ne’e atu responde ba kestaun emerjensia sira. Maibe kona-ba detallu ne’e, Primeiru Ministru mak sei mai esplika iha PN,”dehan Adriano.

Adriano dehan, kona ba programa VII Governu nian ba daruak hafoin sira aprezenta tiha OR ba PN.

“Kona-ba ne’e (aprova ka lae), ne’e depende ba desizaun deputadu nian, tanba ne’e kompetensia konstitusional PN nian mós,”dehan Adriano.

Entretantu Prezidente PN, Aniceto Guterres, hatete, hafoin meja PN simu OR ne’e, nia entrega  ona ba asesor sira no grupu tekniku sira atu halo leitura inisial nune’e Prezidente PN bele halo ona despaixu admisibilidade hanesan proposta husi Governu nian.

“Depois de halo despaixu admisibilidade, PN sei fo karakter urjensia OR ne’e, tamba ne’e plenaria Tersa feira semana oin, sei baixa kedas ba Komisaun C nune’e komisaun espesializada sira haree, maibe primeiru star komisaun C sei aprezenta uluk kalendariu ba jeneralidade no espesialidade,”dehan nia.Ías/Oly


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker