GMN TV Politika PN hasai segunda karta ba eis deputadu entrega Prado ''La kumpri, PNTL sei atua''

PN hasai segunda karta ba eis deputadu entrega Prado ''La kumpri, PNTL sei atua''

0 views

Parlamentu Nasional (PN), hasai tan karta ba dala rua hodi ezije eis deputadu III lejislatura nian atu intrega fali kareta Prado ba patrimoniu PN.

Kareta Prado ne’ebé eis deputadu III lejislatura uza hamutuk 10 resin mak seidauk hatama. Deputadu sira ne’eb’e la hatama kareta Prado ne’e mesak deputadu sira la re-eleitu fali ba IV lejislatura PN.

Sekretáriu Jeral PN, Mateus Ximenes Belo, informa, konteudu husi karta ne’e, PN ezije ba eis deputadu sira atu intrega fali kareta prado, tanba osan ne’ebé sira hatama ba leilaun nian, konsellu administrativa PN fó fila fali ona.

“Ohin (Horiseik-red) karta ida ami hasai tan ba eis deputadu sira, aban (ohin) haruka ba sira  atu konvense sira hodi entrega fali kareta Prado sira ne’e. Kuandu segundu karta ne’e mak eis deputadu sira la kumpri nafatin, ami sei haruka tan karta ba dala tolu, mak foin halo medidas,”katak Mateus ba jornalista sira liu husi konferensia ba imprensa iha PN, Kuarta (09/11).

Nia esplika, kuandu deputadu sira ne’e la hatama mak parte seguransa hanesan Polisia Nasional Timor Leste (PNTL) sei halo atuasaun hodi foti.

“Medidas ne’e sei fó autorizasaun ba Estadu nia liman, ain hanesan Polisia atu ba foti fali kareta sira ne’e. Ha’u haree agora ne’e eis deputadu barak mak entrega ona kareta Prado sira ne’e, maibé balun seidauk,”katak Mateus.

Nia esplika, bainhira eis deputadu sira ne’e intrega hotu ona kareta sira ne’e, Parlamentu Nasional sei atribui fali ba deputadu IV lejislatura nian, tanba agora dadauk deputadu sira halo fiskalizasaun ho sira-nia kareta privadu.

“Kareta ne’e Estadu nian, la troka xapa no la muda ba privadu, tanba iha ona desizaun husi Konsellu Administrativa Parlamentu Nasional katak, kareta sira ne’e tenki entrega hotu ba patrimoniu Parlamentu Nasional, tanba osan ne’ebé eis deputadu sira hatama ne’e, Konsellu Administrativa Parlamentu Nasional fó fila fali hotu ona,” katak Mateus.

Tuir Mateus, kona ba akizisaun ba kareta Prado III lejislatura nian ne’e, Konsellu Administrativa Parlamentu Nasional nian, inklui mós desizaun kona-ba sosa kareta foun.

Nune’e mós Portavoz Parlamentu Nasional, Lidia Noberta, hatete, kareta Prado III lejislatura nian ne’e, Parlamentu Nasional seidauk bele atribui fali ba deputadu IV lejislatura, tanba eis deputadu sira ne’e seiduak entrega hotu kareta.

“Agora dadauk ita seidauk tama iha prosesu atribuisaun kareta, tanba haree lai faze dada kareta husi eis deputadu sira,” katak Lidia Norberta.

Maibé Lidia dehan, maske PN seidauk atribui kareta ba deputadu foun sira, maibé Konsellu Administrativa PN foti ona desizaun hodi apoia kareta hat ba bankada PLP no kareta rua ba bankada KHUNTO hodi fasilita sira-nia servisu.cos


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker