GMN TV Politika Xanana la aseita dezeñu monumentu 12 Novembru "Komité propoin tan US$ 1,5 millaun"

Xanana la aseita dezeñu monumentu 12 Novembru "Komité propoin tan US$ 1,5 millaun"

0 views

Monumentu 12 Novembru 1991 ne’ebe atu harii iha tinan 2011 to’o agora seidauk iha nia ‘isin no klamar’ tanba eis Primeiru Ministru (PM) Kayrala Xanana Gusmão, la aseita konseitu dezeñu ba monumentu ne’e rasik.

Iha tinan 2010, Governu Aliansa Maioria Parlamentar (AMP) inisia atu harii monumentu Masakre Santa Cruz ne’ebe atu estabelese iha Semiuteriu Santa Cruz nia oin. Nune’e, Governu propoin orsamentu ho montante US$ 500,000 iha politika Orsamentu Jeral Estadu (OJE) tinan fiskal 2011 nian atu ba nesesidades dezeñu ho estudu viabilidade ne’ebe hetan apravosaun iha Parlamentu Nasional.   Maske nune’e, too ona tinan 7 nia laran (2010-2017) la iha novas kona-ba tanbasa mak monumentu ne’e seidauk bele harii.

Prezidenti Komite 12 Novembru, Gregorio Saldanha, Segunda (13/11/2017), iha nia knar fatin, esklarese ba GMN katak, monumentu ne’ebe atu fo ondara ba sakrifisiu juventude 12 Novembru 1991 nian seidauk bele estabelese, tanba eis PM Kayrala Xanana Gusmão mak la konkorda ho monumentu ne’e nia dezeñu.

“Momentu neba, ami halo konkorensia hodi maluk kompaña arqueteto sira hatama no iha duni desizaun teknika hodi hetan valor diak ba kompaña nasional ida, maibe tanba ladun iha valor artistiku no dezeñu boot liu maka eis PM Xanana la aseita,” informa Gregorio Saldanha.

Gregorio Saldanha aprfunda katak, momentu neba eis PM Xanana haruka duni justifikasaun ba Komite 12 Novembru, kona-ba nia la aseita ho dezeñu monument nian no husu atu halo mos konsiderasaun ba Saudozu Sebastão Gomes nia sakrifisiu.

Kona-ba kontinusaun ba kontrusaun monumentu nian iha tinan ne’e, Gregorio Saldanha esklarese katak, kompaña konsultan ho naran FIHIR aprezenta ona dezeñu foun no Governu mos aprova ona dezeñu ne’e no hein deit ona Governu aprova nia orsamentu atu bele kontinua ho nia ejekusaun fiziku.

Iha projetu fiziku ba monumentu Masakre Santa Cruz nian ne’e, Komite 12 Novembru (K12N) proipoin on aba Governu ho montante millaun ida ho balun USD, maibe desizaun hotu depende ba Governu.

“Ami propoin  orsamentu uma juta e tal (US$ 1,5 millaun). Maibe depende ba Governu, se agora Governu la iha osan hodi saida mak atu konstroi espera katak, Governu bele iha osan,” hateten Gregorio Saldanha.

Lá valoriza

Husi sorin seluk, Fundasaun Conselho Rezistensia Timor Leste (FCRTL) konsidera, maun bóot sira tau ona komprimisu iha tinan 7 nia laran ba kotuk atu harii monumentu ba Masakre Santa Cruz nian, maibe to’o agora la realiza, hodi hatudu katak, ukun nain sira kuaze la valoriza sakrifisiu joventude loriku aswain 12 Novembru nian.

Sekretariu Jeral FCRTL, José Nunú Lopes Guterres “Sabarai” afirma katak, monumentu ne’e hela iha ibun tuun deit no hatudu momos ukun nain sira la valoriza sakrifisiu ne’ebe joventude atembrani sira hatudu iha Masakre Santa Cruz 1991.

“Sé ita koalia rasionalmente, ita nia maun sira la valoriza 12 Novembru ne’e, liu-liu iha parte konstruksaun ba sira nia monumentu, tanba buat ne’ebe ita lá bele halo, ita bele halo, maibe buat ne’ebe importansia ita la bele halo ninia razaun ne’e ladun razuavel,”  afirma José Nunú Lopes Guterres “Sabarai”.

José Guterres ‘Sabarai’ kontinua husu ba Governante sira tenke hatudu iha pratika kona-ba sira nia komprimisu ba joventude sira, labele koalia midar no mamar iha serimonia sira joventude nian mas pratika atu harii monumentu hodi fo ondra ba joventude loriku aswain hela iha ibun tutun deit.

“Ha’u nia pontu devista, labele hanesan ne’e bebeik buat ne’ebe ita kompremete tenke halo, ita hanoin monumentu ita halo ne’e atu ba sé, monumentu ne’e bele atrai ema liur mos bele mai, sé tinan ba tinan ita komemora 12 Novembru laiha monumentu saida mak ema dehan ba ita,” dehan, José Guterres ‘Sabarai’. ety/eus


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker