GMN TV Politika Agio Pereira: Kadoras mai TL, hatama reseita bo’ot ba Estadu

Agio Pereira: Kadoras mai TL, hatama reseita bo’ot ba Estadu

0 views

Ministru Estadu Prezidensia Konsellu Ministru (MEPKM), Agio Pereira, deklara, iha futuru wainhira dada ona kadoras husi kampo mina Greater Sunrise (GS) mai Timor-Leste, mak sei hatama kapasidade rendimentu ne’ebé bo’ot ba Estadu.

“Vantajen boot ida maka ne’e, kona de’it upstream la inklui downstream ne’e sei mosu rekooperasaun investimentu ida ne’e, wainhira explorasaun hahú iha GS no sei iha tan downstream maka ita nia bisniss plane asegura mai Beaço, kadoras ne’e kapasidade de otenção de reseitas para Estadu ás teb-tebes, em termos de komparasaun ho situasaun uluk ne’ebé Timor-Leste laiha, nem asaun ou interese ida iha joint venture nia laran”,MEPKM liu husi ninia intervensaun ba preokupasaun no pergunta ne’ebé maka deputadu sira foti durante audiénsia iha uma fukun Parlamentu Nasional (PN), Segunda (26-11-2018).

Nia esplika, mais ou menus kuandu Timor-Leste halo akizisaun sedu ba asaun husi ConocoPhillips millaun USD 350 no Shell ninian millaun USD 300, ne’e hasa’e Timor-Leste nia poder de voto atu halo desizaun maioritariu iha Joint Venture Greater Sunrise (JVGS).

“Sé ita haree katak tuir investimentu, lei investimentu Estadu nian hola interese JVGS, ne’e para ita haree took 10% Osaka Gas ninian ho Woodside ninian interese 30%, mais ou menus ita kuandu halo akizisaun sedu ba interese ne’e hasa’e Timor-Leste nia poder de voto iha JVGS”, informa Agio Pereira.

MEPKM Agio Pereira mós promete katak, Kinta (29/11) sei mai defende Ministériu Petróleu no Minerais (MPM) no sei distribui mós dadus kona-bá fó asaun ConocoPhillips no Shell ninian, atu nune’e bele tulun komisaun sira iha PN nia servisu.

Entretantu deputada bankada FRETILIN, Maria Angelica, preokupa teb-tebes atu hetan esplikasaun klean kona-bá prosesu Xefi Negosiadór Prinsipal Fronteira Marítima, Kay Rala Xanana Gusmão, asina akordu hodi sosa asaun husi ConocoPhillips millaun USD 350 no Shell ninian millaun USD 300.

“Ha’u kestaun ikus ba foin dau-dauk ita hola asaun husi ConocoPhillips no hola tan kompañia Shell ninia saham, ha’u haree husi livru ne’ebé maka aprejenta ona mai katak millaun USD 350 ne’ebé maka ita hola husi ConocoPhillips ne’e ita preve iha livru ida ne’e, maibé atu hola 26% husi kompañia Shell, orsamentu la preve sera que deputadu sira maka atu halo proposta ka oinsa, tanba ita nia pasta mós liga ba kestaun ida ne’e”, haktuir Maria Angelica.

Entretantu akordu sosa asaun husi kompañia internasional Shell ne’e, asina iha Hotel Conrad Nusa Dua-Bali, Indonesia partisipa husi Prezidente Timor GAP, Prezidente Autoridade Nasional Petróleu no Minerais, Eis Ministru Petróleu no Minerais, Eis Ministru Finansas no emprezariu husi Australia.

Antes ne’e mós, Timor-Leste asina ona akordu ho kompañia ConocoPhillips hodi sosa asaun ho 30% ho osan hamutuk millaun USD 350. ves

 


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker