GMN TV Politika Alkatiri konsidera VIII Governu laiha poder Estadu ■La partisipa iha debate ne’ebé Xanana sei halo

Alkatiri konsidera VIII Governu laiha poder Estadu ■La partisipa iha debate ne’ebé Xanana sei halo

0 views

Eis Primeiru Ministru (PM), VII Governu konstitusional, Mari Alkatiri, konsidera, VIII Governu konstitusional laiha poder polítiku Estadu iha ninia governasaun, tanba sei iha poder extra maka komanda hela.

“Ha’u konkorda totalmente ho deklarasaun Primeiru Ministru (PM), Taur Matan Ruak katak ‘impase polítika ida ne’e, la fó vantajen ba nein parte ida’, ha’u rasik husi ha’u-nia facebook pesoal kuaze loro-loron tau buat ruma no dehan Estadu ida ne’e fraku ba bei-beik, poder polítiku Estadu nian parese que laiha ona no poder extra Estadu maka atu komanda, mais ha’u hateten buat ida ne’e la’os atu kontrola ema ida ka ema rua, maibé koalia ida  ne’e atu hametin Estadu”, Eis PM Alkatiri ba jornalista sira hafoin partisipa komemorasaun proklamasaun independensia RDTL 28 Novembru, ba dala-43, iha Palásiu Governu, Kuarta (28-11-2018).

Mari Alkatiri, afirma, razaun dehan Governu laiha poder polítika, tanba realidade hatudu, katak dau-daun ne’e Governu laiha poder ou sei iha poder extra Estadu ida maka komanda hela governasaun ne’e.

“Abanbainrua fundadór nasaun sira atu entrega poder ba jerasaun foun ne’e, la’os entrega Mari Alkatiri ou Xanana Gusmão, maibé entrega instituisaun hotu iha Estadu ne’e atu funsiona ho diak no ha’u mós mai la’os atu sai mestri para hanorin, ha’u hanoin ita túr hamutuk, troka malu ideia, troka saida maka ida-idak hanoin, depois sai hanoin koletivu ida hodi la’o ba oin”, haktuir Eis PM VII Governu ne’e.

Nia akresenta, lideransa nasional sira tenki iha konsiensia katak, tenki halo buat diak ruma iha tempu agora, tanba abanbainrua sei entrega Estadu ne’e ba jerasaun foun sira.

Entretantu relasiona ho planu Xefi Negosiadór Prinsipál Fronteira Marítima, Kay Rala Xanana Gusmão planeia atu halo debate kona-bá asuntu prosesu negosiasaun kampu Greater Sunrise, Mari Alkatiri promete sei la partisipa iha debate ne’e.

“Ha’u dehan irmão Xanana atu halo debate iha dia 8 Dezembru, iha CCD, ne’e ita atu halo kampaña, la’os debate, sé ha’u hetan konviti mós ha’u la ba”, haktuir Mari Alkatiri.

Membru VIII Governu hirak ne’ebé seidauk simu pose husi Prezidente Repúblika (PR), Francisco Guterres ‘Lú Olo’, maka hanesan Helder Lopes, Sérgio Lobo, Tomas Cabral, Virgílio Smith, António Verdial, Francisco Kalbuadi Lay, Jacinto Rigoberto, Amandio Benevides no Alfredo Pires.

Prontu apoia hadia VIII Governu

Nuneé mos, Sekretariu Jeral (SekJer) partidu Frente Revolucionario do Timor-Leste Independente (FRETILIN), Mari Alkatiri, hateten, sé VIII Governu husu ninia apoiu ba prosesu governasaun ninian, pesoalmente prontu fó apoiu, atu hadi’a ka mellora prosesu governasaun.

“Atu halo remodelasaun ne’e Governu ida ukun ne’e ninia kompetensia, sé sira hakarak halo remodelasaun, bele halo, nune’e husik sira haree saida maka sira atu hadi’a, sira tenki hadi’a. Buat hotu-hotu para atu hadi’a bele konta ho ha’u, la presiza konta ho ha’u atu ukun, maibé konta ho ha’u para hadi’a”, SekJer FRETILIN ba jornalista sira hafoin partisipa komemorasaun 28 Novembru, ba dala-43, iha Palasiu Governu, Kuarta (28-11-2018).

Nia akresenta, desizaun ba membru VIII Governu seidauk kompletu, ne’e depende ba Governu no Prezidente Repúblika (PR), Francisco Guterres ‘Lú Olo’, nune’e nia (Mari Alkatiri-red) lakoi la campur tangan ba kestaun ida ne’e.

Husi sorin seluk, Primeriu Ministru (PM), Taur Matan Ruak, deklara, posibilidade sei halo remodelasaun ba estrutura VIII Governu konstitusional, hodi kompleta estrutura membru VII Governu nian ne’ebé seidauk kompletu.

Membru VIII Governu ne’ebé seidauk simu posse maka hanesan, Helder Lopes, Sérgio Lobo, Tómas Cabral, Virgílio Smith, António Verdial, Francisco Kalbuadi Lay,  Jacinto Rigoberto, Amandio Benevides  no Alfredo Pires. ves


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker