GMN TV Politika Altera lei FP, Taka dalan ba TC halo fiskalizasaun

Altera lei FP, Taka dalan ba TC halo fiskalizasaun

0 views

Prezidente Conselho Consultivo Fundo Petrolífero (CCFP) Pe. Júlio Crispin hateten, Parlamentu Nasional (PN) tuir lolos labele halo alterasaun ba lei atividade Fundu Petrolíferu (FP) númeru 13/2005 artigu 22, tanba taka dalan ba Tribunal de Contas (TC) atu halo fiskalizasaun, bainhira  Estadu Timor-Leste (TL) sosa asaun ConocoPhillips 30%.

Tuir Prezidente CCFP ne’e katak, lei atividade petrolíferu husi lei 13/2005  iha artigu 22 ne’e, koalia kona-ba partisipasaun Estadu nian iha operasaun Petrolíferu, maibe PN halo alterasaun ba artigu ida ne’e.

Iha artigu 22 husi lei 13/2005  ne’e koalia kona-ba Estadu hanesan nain ba rekursu petrolifera gas no minarai, sira iha direitu atu hetan partisipasaun 20% iha operasaun petrolífera.

“Lei atividade fundu petrolíferu ne’e ninia sentidu ne’e atu dehan katak artigu 22 ne’e atu garante Estadu nu’udar nain ba rikusoin, no razaun saida mak atu altera ne’e tuir proposta lei alterasaun ne’e tanba ita atu sosa 30% asoens ConocoPhillips nian no bele partisipa operasoens petrolíferu iha greater sunrise ninian”,Dehan Pe. Júlio Crispin ba GMN iha nia rezidensia Praia dos Coqueiros Díli, Sesta (16/11/2018).

Ita nia partisipasaun ne’e hanesan partisipasaun servisu nain nian laos hanesan nain, ne’e duni ita destingi buat rua, nain ba rikusoin buat ida, no servisu nain atu esplora rikusoin ne’e buat seluk no buat rua ne’e lahanesan.

“Tuir nia katak artigu 22 ne’e koalia konaba nain nain nia, ida be 30% ne’e koalia konaba partisipasaun nundar servisu nain. Entaun partisipasaun nundar servisu nain ne’e, ita servisu hamutuk ho kompañia Petrolíferu sira, se ita iha 30% kompañia atu halo operasaun mina ne’e 70%. Alterasaun lei ida ne’ebe ita halo ne’e ho objetivu atu partisipa ho joint veture ne’e ita halo alterasaun ne’e lalos. Tanba ita altera fali direitu ida nain ninian, enkuantu ita atu partisipa ne’e, partisipa hanesan servisu nain, ne’e duni lolos ne’e ita haree mak joint venture ne’e, kontiudu joint venture ne’e haree ita nia partisipasaun”,tenik Pe. Júlio Crispin

Tuir Pe.Júlio Crispin, deputadu Parlamentu Nasional nia observasaun nia la hatene, maibe kontiudu legal sentidu legal artigu 22 ne’e garante nain ninian direitu 20% ba atividade petrolíferu, enkuantu 30% ne’e hanesan asoens. Entaun ida 20% direitu legal ida seluk 30% ne’e direitu kontratual.

Maske Parlamentu Nasional halo ona alterasaun ba lei fundu Petrolíferu ne’e iha loron 15 fulan ne’e, maibe Prezidente Repúblika, Francisco Guterres ‘Lú Olo’ sei estuda no halo análiza hodi vetu ka promulga.Aes

 


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker