Prezidente Repúblika (PR), Francisco Guterres ‘Lú Olo’, husu deputadu Aliansa Maioria Parlamentar (AMP), atu tetu didiak sira-nia desizaun polítika hotu ba povu no Estadu ida ne’e nia di’ak.
Deputadu Aliansa Maioria Parlamentar mak hanesan CNRT, PLP, KHUNTO FM/UDT.
``Ha´u kuandu hateten ba AMP sira atu tetu ka pondera halo didiak, ha´u la husu para atu blokeia fali Prezidente nia viajen ba estranjeiru”,esplika PR Lú-Olo ba jornalista sira Segunda (12/11/18), hafoin partisipa komemorasaun loron Masakre Santa Cruz 12 Novembru ba dala 27 iha semitériu Santa Cruz, Díli.
Ba kanselamentu sira ne’ebé deputadu AMP sira halo hasoru PR Lú Olo bainhira hato’o nia pedidu atu vizita ba rai liur, tuir Prezidenti Aliansa Mudansa ba Progresu, Kay Rala Xanana Gusmão, katak, ne’e tuir konstituisaun mak haruka. “Ne’e tuir konstituisaun, konstituisaun mak haruka”,dehan Xanana foin lalais.
Entretantu deputadu AMP sira kansela vizita Estadu Prezidente Repúblika Francisco Guterres ‘Lú Olo’ ba Vatikanu, ho razaun hakarak rezolve lai impase polítiku ne’ebé Timor-Leste infrenta hela.
Rezultadu votasaun ba ajenda viajen Xefe Estadu ba Roma ne’e ho votus a favor 26 kontra 35 no abstensaun 0.
Antes ne’e deputadu Parlamentu Nasionál mos kansela viajen Prezidente Repúblika ba dala tolu ona, hanesan ba Amérika, Portugal, Indonézia inklui ba Vatikanu.avi
