GMN TV Politika Arão Noe: Masakre Santa Cruz muda Mundo nia pozisaun ba kazu Timor-Leste

Arão Noe: Masakre Santa Cruz muda Mundo nia pozisaun ba kazu Timor-Leste

2 views

Prezidente Parlamentu Nasional, Arão Noe, hatete komemorasaun loron masakre Santa Cruz ba dala 27 iha tinan ne’e sai hanesan reflesaun ida ba joven  atu asegura estabilidade hodi kontribui ba dezenvolvimentu.

Lider masimu orgaun lejislativu nee konsidera Masakre Santa Cruz  maka muda Mundo nia pozisaun ba kazu Timor Leste nian, tamba akontesimentu nee komprova violasaun direitos humanus.

Prezidente Parlamento Nasional mós apela ba joven sira atu halo tuir  joven sira uluk halo hodi so’e an ba mate hodi buka defende direitu no liberdade inklui determina rai ne’e hodi sai ukun an.

“Hau husu ba joven sira ,komemorasaun iha 12 Novembru ,tenki sai hanesan reflesaun ida ba joven sira agora ne’e oinsa determinasaun joven sira uluk halo hodi determina rai ne’e hodi ukun an ne’e ,restaura fali ita ninia independensia no agora kontribuisaun ba joven sira nian oinsa atu halo dezenvolvimentu ba oin, asegura estabilidade atu bele kontribui ba dezenvolvimentu ba rai doben ida ne’e, tamba rai ida sem estabilidade sei laiha dezenvolvimentu”, apela  Arão Noe, ba Jornalista sira iha PN.

Nia konsidera loron  masakre Santa Cruz 12 Novembru  importante tebes ba Timor, tamba  liu husi asaun 12 de Novembru fo komunikadu ida ba mundu no mundu hatete katak, iha Timor-Leste iha violasaun grave ida konaba direitus humanus.

“Hau hanoin loron 12 de Novembru loron ida ne’ebe importante tebes ba Timor laran tomak ,tamba liu husi aksaun 12 de Novembru ne’ebe mai husi juventude sira la haree ba kor, la haree ba partidu no la haree ba pozisaun saida de’it ,maibe sira hotu-hotu tun ba halo manifestasaun, ho manifestasaun ida ne’e fo komunikadu ida ba mundu no mundu hatete katak, iha Timor-Leste iha violasaun grave ida konaba direitus humanus no impaktu ida ne’e mak lori ita ba desizaun sira iha mundu hodi muda nia pozisaun hodi foti desizaun ba Timor-Leste hodi avansa ba iha referendum nian iha loron 30 de Agusto, tinan 1999”, esplika Prezidente Parlamento.

Iha âmbito komemorasaun 12 Novembro tinan nee, Prezidente Parlamentu Nasional fo kongratula no fo parabens ba sobrevivente masakre 12 Novembro 1991.

“Hau kongratula joven sira nia inisitiva 12 de Novembru iha tinan 1991 no parabens ba sira nia esforsu ne’ebe halo konsege muda situasaun politika ne’e no husu ba joven sira aktual atu reflete saida mak joven sira uluk halo hodi so’e an ba mate hodi buka defende direitu no liberdade”, dehan PPN Arão Noe.tos


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker