GMN TV Politika Difisil PN dada hikas Prado husi eis deputadu

Difisil PN dada hikas Prado husi eis deputadu

Vise Prezidente Parlamentu Nasional (PN), Maria Angelina Sarmento, deklara, difisil uitoan PN atu dada hikas kareta ho marka prado ne’ebé maka eis deputadu III lejislatura sira uza, tanba kareta prado hirak ne’ebé maka eis deputadu sira uza ne’e ninia estatutu privadu ona.

“MUTL sira husu rezolusaun, ami hasa’i ona, maibé situasaun ida seluk maka eis deputadu sira muda tiha ona, kareta nia plat ne’e husi mean ne’ebé hakerek PN ba kareta individu, agora sé ita haruka karta ida ba polísia atu dada, problema ne’ebé maka ita hasoru maka ne’e kareta ne’e privadu tiha ona, tanba eis deputadu sira ne’e hanesan nain ka titular ba kareta ne’e, nune’e PN laiha ona direitu atu dada”,Vise Prezidente PN ba ba jornalista sira iha resintu PN, hafoin remata enkontru líder bankada iha meja Prezidensia Parlamentu, Tersa (20-11-2018).

Nia esplika, e únika solusaun atu dada hikas kareta ho marka prado ne’e maka tribunal, tanba tribunal maka bele desidi atu anula dokumentu kareta prado hirak ne’ebé maka eis deputadu sira kompleta tiha ona ba privadu.

“Kona-bá asuntu kareta, há’u hanoin situasaun ida que delikadu teb-tebes, tanba bainhira iha semana kotuk PN halo audiénsia ho MUTL, sira rona faktus ne’ebé maka PN infrenta, hanesan ita boot sira haree deputadu Cornelio Gama ‘L7’ é um veterano ba halo fiskalizasaun ho baskolante ida no segundu Vise Prezidente PN ba halo fiskalizasaun iha Bobonaro ho Suai ninia kareta át iha dalan, entaun nia fila ho kareta eskoktu nian, ne’e dignidade hanesan deputadu iha ne’ebé”, haktuir Maria Sarmento.

Nia akresenta, proposta PN sosa kareta 48 ba deputadu foun sira, ne’e ho intensaun atu sira uza kareta hodi halo servisu, nune’e labele prejudikadu fali sira nia knaar hanesan deputadu no atu sira labele abandona sira nia knaar atu halo fiskalizasaun, tanba de’it transporte laiha, nune’e kualker meius PN tenki buka.

“Sé sira entrega iha tempu besik ita bele kansela, ita bele fahe kareta sira ne’e ba deputadu foun sira uza to’o tinan ida ne’ebé maka kareta ne’e ninia kondisaun la diak, ita orsamenta sosa ba deputadu sira ne’ebé maka presiza kareta”, dehan Primeira Vise Prezidente PN ne’e.

Primeira Vise Prezidente PN, Maria Sarmento, sujere ba MUTL atu halo to’ok sondajen ka buka hatene to’ok, katak Tribunal iha kompetensia atu anula desizaun ida muda plaka husi PN ba individu no anula fali individu, tenki tau fali plaka ida ho marka PN, atu nune’e bele hafasil PN haruka polísia dada kareta iha eis deputadu sira.

Entretantu dau-daun ne’e MUTL kontinua hala’o manifestasaun kontra proposta PN atu sosa kareta foun 48 ba deputadu foun V lejislatura, no sira sujere mós ba PN atu dada hikas fali kareta ho marka prado ne’ebé eis deputadu sira sei uza hela.ves


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker