GMN TV Politika FONGTIL konsidera PDHJ foun sei la hatudu progresu servisu

FONGTIL konsidera PDHJ foun sei la hatudu progresu servisu

0 views

Diretor FONGTIL, Daniel Santos do Carmo, afirma, maske Parlamentu Nasional (PN) fo ona posse ba Provedora Direitus Humanus no Justisa (PDHJ), Jesuína Maria Gomes, konsidera nomeasaun refere sei nakonu ho intervensaun polítika no sei lahatudu progresu servisu durante nia mandatu tinan 4.

Tuir sosiedade sivil katak, atu hili PDHJ  labele hili husi deputadu sira husi uma fukun PN, tanba deputadu sira iha PN ne’e, reprezentante partidus politikus, tanba ne’e susar atu prosesa membru governu ne’ebe viola direitus umanus no sei mosu intervensaun politika bainhira PDHJ hakarak prosesa violasaun direitus umanus ruma.

“Deputadu sira iha Parlamentu Nasional rekruta no eleje lider ba PDHJ laos bazeia ba rekejitu lei (eleje ema independente, iha integridade no iha experensia naton iha area direitu umanus), maibe perfere hili ema ne’ebe depedente ka laiha integridade ka vizaun diak ba dezenvolve direitus umanus no mos iha indikasaun relasaun direitamente ka indereitamente partidu politiku nian”. Lamentasoens ne’e Diretor FONGTIL Daniel Santos do Carmo, deklara liu husi konfrensia imprensa Kinta-Feira (08/11/2018) iha Edifisiu FONGTIL Kaikoli, Díli.

Nia dehan, molok eleisaun, laiha prosesu ruma iha parlamentu atu avalia kandidatu sira nian integridade, ninia koñesimentu no vizaun atu dezenvolve direitu umanus iha nasaun ne’e, laos limita deit ba instituisaun PDHJ.

“Ami nota momos katak deputadu sira laiha vizaun no vontade politika diak atu dezenvolve no haforsa instituisaun estadu sira liu husi knar PDHJ ne’ebe forte. Ami lahare vizaun deputadu sira ba instituisaun demokratiku ne’ebe forte hodi hala’o check and balance ka kontrolu malu efetivu, maibe domina tebes tendensia ba hegemonia poder ba instituisaun sira hotu hodi hamis akuntabilidade ka responsabilidade ne’ebe evetivu,”dehan nia.

Tuir nia, PN mak hili PDHJ ne’e sei hafraku prinsipiu Estadu de direiru demokrátiku no haburas liu tan kultura impunidade ka ema kriminozu laiha responsabilidade.

“Ninia efeitu mak Estadu gasta osan barak ba dezenvolve instituisaun PDHJ, maibe ninian fiziku mak dezenvolve deit hanesan edifisiu sai bo’ot, kareta ka veikulu aumenta barak, funsionariu aumenta barak, viajen estranjeiru barak enkuantu prestasaun servisu ba povu nia direitu, liu-liu povu sira ne’ebe sai vitima husi aktu violasaun direitu umanus,”dehan nia.

Nune’e mos nia hatutan tan katak, Instituisaun ne’e laiha forsa moral atu promove responsabilidade ba direitus umanus, tanba ema ne’ebe lidera instituisaun ne’e rasik laiha integridade forte no vizaun diak. No ikus situasaun impase politiku ne’ebe ita infreta ne’e mos nudar rezultadu  husi laiha kontribuisaun efetivu husi PDHJ durante tinan 16 ba hametin boa-governasaun, kultura respeitu lei no prisipiu demokrasia”.

“Tanba ne’e sosiedade sivil husu ba deputadu sira atu loke sira nia matan no konsiensia ba aktu politiku ne’ebe la seriu no vontade politika ne’ebe fraku ba eleje provedor, ne’ebe ninia konsikuensia ne’e laos afeta deit ba povu nian direitu, maibe mos enfrakeza instituisaun Estadu emjeral,”tenik nia. Aes


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker