GMN TV Politika FRETILIN-PD sujere Governu kria komisaun rekolla restus mortais

FRETILIN-PD sujere Governu kria komisaun rekolla restus mortais

0 views

Atu dignifika martir hirak ne’ebé maka mate iha tempu okupasaun husi nasaun Indonésia, bankada opozisaun hanesan FRETILIN no PD, sujere ba Governu atu kria komisaun ida hodi rekolla restu mortais martir sira ne’ebé fó ona sira isin no rán ba rai ida ne’e.

“Ita tenki hanoin ona forma komisaun ida para lokaliza no identifika paradeiru, ita nia maluk sira ne’ebé maka lakon iha tempu funu, bele ho hanoin katak ohin loron ita nia polítika seidauk to’o iha ne’ebá, maibé ba ha’u polítika 17 anus to’o ona momentu para ita buka tuir ita nia ema sira ne’e,” deputadu bankada FRETILIN, David Dias Ximenes ‘Mandati’, liu husi ninia deklarasaun polítika iha uma fukun Parlamentu Nasional (PN), Tersa (13-11-2018).

Nia esplika, dau-daun ne’e, Indonesia sira mai buka ona sira nia martir, maibé Timor seidauk iha hanoin atu buka, problema ne’e iha ne’ebé.

Ida seluk fali ita mós tenki iha halo polítika de avaliasaun ba vida coutidiano ba kuadru da rezistensia sobre tudo sira ne’ebé frente klandestina ninian, ita la hatene tuir saida maka akontese agora ho Tuber Loke Dalan (TULODA), saida maka iha Leolima. Sira ne’ebé mate ona ita luva sira iha altar da gloria, sira ne’ebé lakon ita tenki buka tuir, identifika sira nia paradeiru.

Nia akresenta, sira mate hanesan balada fuik, tanba to’o agora sira nia família neim hetan restus mortais ruma, ne’ebé rekoñese katak sira nia oan no família maka ida ne’e, tanba ne’e Governu tenki tau atensaun, hodi buka restus mortais husi éroi sira ne’ebé maka fó ona sira nia isin no rán ba rai ida ne’e.

Deputada bankada FRETILIN, Helena Martins mós sujere ba Governu, katak tempu to’o ona Governu buka tuir restus mortais husi saudozu no éroi sira ne’ebé maka mate ba rai ida ne’e, tanba sira mate la’os ba interese ema ida ninian, maibé ba interese nasaun ninian.

“Tempu to’o ona ita atu buka tuir sira, sé la’e abanbainrua ita sira ne’e mate, sira nia ístoria mós lakon, tanba ne’e maka tempu to’o ona ita atu haree sasan sira ne’e, oinsa maka atu dignifika sira, tanba sira mate la’os ba interese família ninian, maibé mate ba rai ida ne’e, liu-liu maka saudozu Nicolao Lobato nia restu mortais, Daitula, Mauhudu no selu-seluk tan,” haktuir Helena Martins.

Husi sorin seluk, deputadu bankada PD, Mariano Assanami Sabino, hateten, kuandu hakarak dezenvolvimentu la’o diak, Governu tenki aruma pasadu ho diak.

Hátan ba preokupasaun ne’e, Ministru Reforma Lejislativa Asuntu Parlamentar (MRLAP), Fidelis Magalhães, promete, sei informa aban reuniaun Konsellu Ministru (KM) ohin (14/11), tanba ida ne’e mós sei fó dezaparesidu mós, atu haree fali polítika nasaun ba oin.

Entretantu VIII Governu mós kria ona Sekretária Estadu ba Asuntu Antigu Kombatente Libertasaun Nasional, hodi ba haree asuntu veteranus no martir sira nian. ves

 


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker