GMN TV Politika Governu entrega OJE 2019 billiaun US$1.827 ba PN •Barak liu ba transferensia públika

Governu entrega OJE 2019 billiaun US$1.827 ba PN •Barak liu ba transferensia públika

0 views

Governu entrega ona propsota Orsamentu Jeral Estadu (OJE) tinan 2019, Kinta (8/11/18), ba Parlamentu Nasional (PN) ho montante billiaun US$ 1.827. OJE 2019 ne’e, Governu aloka barak liu ba transferensia públika ho montante millaun US$ 705.

“Ami-nia prezensa iha Parlamentu Nasional, ami kumpri kalendáriu ne’ebé mak Konsellu Ministru define atu submete proposta lei Orsamentu Jeral Estadu 2019 mai iha Parlamentu Nasional. Total orsamentu ba tinan 2019 inklui imprestimu mak, dolar Amerikanu billiaun US$ 1.827 milloens. Orsamentu ida ne’e, aloka ba kategoria lima (5) mak hanesan, saláriu no vensimentu, bens servisu, transferensia públika, kapital menor no kapital dezenvolvimentu”,informa Vise Ministra Finansas, Sara Lobo Brites ba jornalista sira iha Parlamentu Nasional, Kinta (08/11).

Nia esplika, orsamentu ba kapital menor nia montante millaun  US$29, transferensia públika nia montante US$ 705 millaun, maibé inklui ona ho orsamentu ba sosa asaun ConocoPhillips millaun US$ 350,  salariu no vensimentu millaun US$ 214, bens servisu millaun US$ 478,   no kapital Dezenvolvimentu millaun US$ 400.

Sara Lobo Brites esplika, orsamentu 2019 nian prioridade ba infra-estrutura, bee moos, eletrisidade no seluk tan.

Tuir Sara Lobo, orsamentu 2019 ne’e, nia kategória normal, tanba orsamentu Jeral Estadu 2018 Governu sei ezekuta hela.

Iha okaziaun ne’e mós, Governu entrega livru proposta lei Governu nian ba Prezidenti Parlamentu Nasional.

“Ami aprezenta uluk livru 1 kona ba orsamentu, livru 3 ba fundu infra-estrutura, livru 5 ba parseiru dezenvolvimentu, no livru 6 ba fundu kapital umanu. Ami sei hatama livru sira seluk hanesan livru 2, livru 3 B no C, no livru 4”,relata Sara Lobo.

Entretantu, Prezidenti Parlamentu Nasional, Arão Noe, hateten, Governu kumpri duni data ne’ebé fiksa ona antes ne’e, hodi entrega proposta OJE 2019 ba Parlamentu Nasional.

“Ohin (Horiseik) Governu lori ona dokumentu mai entrega, no ha’u baixa ona para aban (ohin), baixa ona ba Diplen atu nune’e ajenda ba Tersa semana oin hodi baixa ba Komisaun sira. Orsamentu Jeral Estadu 2019 ne’e, nia karakte normal, tanba ita agora ne’e iha ona prosesu normal”,katak Arão.

Nia haktuir, agora dadauk Meja Parlamentu Nasional prepara ona atu baixa proposta OJE 2019 ne’e ba Komisaun sira iha Parlamentu Nasional, hodi hein diskusaun iha plenária.

“Ami sei lori ba aprezenta ba lider bankada sira no sei deside iha semana oin. Ami nia previzaun mak, opsaun primeiru atu aprova iha loron 21 Desembru 2018, no opsaun Segundu bele hotu antes tinan foun, no opsaun terseiru bele hotu depois tinan foun,” relata Arão.

Nia afirma, opsaun tolu ne’e mak sei lori ba diskuti entre lider bankada hodi deside opsaun ida ne’ebé mak lider bankada sira konkorda atu sai hanesan baze ba debate OJE 2019.cos


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker