Liu husi reuniaun entre Prezidente Parlamentu Nasionál (PN) ho Prezidente komisaun sira iha uma fukun PN, iha Kinta (22/11) ne’e, konsege aserta kalendáriu, katak Orsamentu Jeral Estadu (OJE), tinan 2019 ninian, sei debate iha ínisiu fulan Dezembru, tinan ida ne’e.
“Reuniaun ho Prezidente komisaun sira aserta kalendáriu, katak to’o dia 30 de Novembro audiénsia hotu-hotu termina, dia 3 de Desembro komisaun sira submete relatoriu pareser ba komisaun C no komisaun C iha tempu ba to’o dia 7 aprova sira nia relatoriu pareser, hodi prepara submisaun ba iha plenaria no dia 10 de Dezembro debate jeneralidade iha PN, agora atu kontinua to’o bainhira, previzaun tuir tempu normal sei hotu iha dia 29 de Dezembro”, Prezidente PN, Arão Noe ba jornalista sira hafoin remata reuniaun ho Prezidente Komisaun sira iha sala konferensia PN, Kinta (22-11-2018).
Nia esplika, kalendáriu ne’e sei hanesan tentativa ida liu husi reuniaun komisaun sira nian no ohin (23/11) loraik sei iha reuniaun lider bankada hodi halo apresiasaun ba kalendáriu ne’e hodi aprova, para uza hanesan baze ba debate OJE 2019 nian.
“Tuir skenariu ne’ebé maka agora dau-dauk prepara, sé bele debate OJE 2019 hotu antes de fim do ano 2018”, hateten Arão Noe.
Nia akresenta, kona-bá livru tuir informasaun husi MRLAP, Fidelis Magalhães Sesta (22/11) sira sei sumbete livru tolu (3), hanesan livru 2, 4A no 4B ne’ebé deputadu sira iha PN seidauk simu.
Enkuantu proposta OJE 2019 ne’ebé Governu haruka ona ba PN atu hetan apresiasaun molok ajenda ba diskusaun no votasaun hamutuk USD billlaun 1.8.
Entretantu liu husi enkontru líder bankada iha loron 20, fulan ne’e, PN desidi suspende audiénsia OJE 2019 entre komisaun sira iha PN ho membru Governu sira, tanba membru Governu seidauk prepara livru hirak ne’ebé maka sei esplika prosesu ezekusaun orsamentu. Ves
