GMN TV Politika KHUNTO vota kontra sosa kareta foun

KHUNTO vota kontra sosa kareta foun

1 views

Xefe Bankada Partidu Kmanek Haburas Unidade Timor Oan (KHUNTO), Antonio Maria Nobre Amaral Tilman hatete wanhira eis deputadu sira entrega hikas Prado nebe sira lori ba Parlamentu Nasional, KHUNTO sei vota kontra parlamentu atu sosa kareta foun.

Tuir deputadu KHUNTO nee katak, nu’udar deputadu iha uma fukun presiza transporte atu fasilita deputadu sira hala’o nia kna’ar, liu-liu apoiu atu ba halo fiskalizasaun iha terenu, tamba area rural presiza kareta ho kondisaun ida ne’ebe diak.

Bankada Partidu Kmanek Haburas Unidade Timor Oan (KHUNTO) konsidera montante orsamentu ne’ebe alokadu ba sosa kareta foun bo’ot no osan refere bele kolokadu ba hala’o dezenvolvimentu ka povu nia presiza, liu-liu be’e mos no estrada.

“Hau hanoin enkuantu fasilidade ne’ebe laiha ba parlamentu konserteza sei implika ba deputadu sira nia kna’ar nu’udar fiskalizador ,maibe se kareta pradu tuan sira ne’e mak eis deputadu sira entrega fila-fali, hau hanoin ita bele kansela kareta foun ne’ebe mak parlamentu atu hola ,maibe em prinsipiu ami presiza kareta para hala’o fiskalizasaun ,tamba ita hatene kondisaun estrada iha Timor, liu liu iha foho no momentu udan, tamba ne’e ita labele ba fali ho kareta ne’ebe difikulta ita nia servsiu iha terenu”, dehan Antonio Maria Nobre Amaral Tilman.

Xefe bankada KHUNTO ne’e informa sé eis deputadu sira entrega prado tuan sira ne’e ,maske osan parlamentu aloka ona no aprova tiha ona mos ba KHUNTO tenki kansela ,tamba kareta prado tuan sira sei bele uza hodi hala’o servisu.

Entretantu Xefe bankada CNRT Duarte Nunes, dehan Parlamentu Nasional foti desizaun hodi hola kareta foun ne’e ba deputadu foun atu fasilita sira nia servisu, liu-liu  viajen ba hala’o fiskalizasaun iha area rural.

Duarte Nunes hatutan, wainhira kareta foun Parlamentu Nasional hola mai mak deputadu KHUNTO lakohi simu konforme ida-idak ninia konsiensia, se wanhira kareta prado tuan sira ne’e eis deputadu sira seidauk entrega hikas.tos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker