Konsellu Ministru ofisialmente aprova dekteru lei haat husi Ministériu Justisa, Ministério Finansas, Sekretáriu Estadu Polítika Formasaun Professional Empregu (SEPFOPE) ho Sekretáriu Estadu Joventu no Desportu.
Ministru Justisa, Manuel Cárceres da Costa aprezenta proposta ida kona-ba ba área justisa ho direitu ema nian ba rai no proprietariu.
Ministra Finansas interina, Sara Lobo Brites, aprezenta proposta kona-ba planeamentu no monitorizaun annual ba orsamentu finansas.
Tantu Sekretáriu Estadu ba Juventude no Desportu, Nelio Isaac aprezenta proposta ba área juventude no desportu nian no Sekretariu Estadu Polítika Formasaun no Empregu, Julião da Silva aprezenta proposta ba área servisu formasaun professional no empregu nian.
“Ita bo’ot sira hatene semana kotuk iha koalia ona importansia husi aprovasaun hirak ne’e, tanba Ministériu Finansas presiza estrutura organizasional ajensia Governu nian ida-idak Ministeriu,”hateten MEPKM Agio Prereira ba jornalista sira hafoin reuniaun Konsellu Ministru iha Palácio Governu Dili, Kuarta (7/11/18).
Governate ne’e hateten, klarifikadu atu apresenta proposta ne’e nia estrutura organizaun ba Parlamentu Nasional hodi halo diskusaun, PN konvoka ona membrus Governu atu atende komisoens espesializada.
Entretantu iha Konsellu Ministru ne’e mós aprova proposta husi autoridade nasionál petroleu no mineral , liu husi ninia vice presidente sosiedade Timor-Leste Cement LDA no ministru reforma lejizlativa no asuntu parlamentar, Fidelis Magalhãens aprezenta hamenus kiak iha Timor-Leste. ety
