GMN TV Politika Parlamentu Australia hahú prosesa doméstiku tratadu FM

Parlamentu Australia hahú prosesa doméstiku tratadu FM

0 views

Atu halo ratifikasaun ba tratadu Fronteira Marítima (FM), entre Timor-Leste (TL) no Australia, dau-daun ne’e parlamentu Australia hahú ona prosesa domestíku ba ratifikasaun tratadu FM ne’e.

“Australia prosesa ona prosesu doméstiku atu ratifika tratadu ida ne’e no prosesu ida ne’e la’o diak, mezmu prosesu tratadu husi Australia nian ne’e komplikadu uitoan. Maibé ha’u sei públika liu husi facebook explorasaun kona-bá prosesu Australia nian, atu esplika ba povu TL,” Embaixadór Austrália, Peter Roberts ba jornalista sira hafoin akompaña delegasaun deputadu parlamentu Austrália, hasoru Prezidente Parlamentu Nasional (PPN), Arão Noe, hamutuk ho deputadu sira iha salaun konferensia Parlamentu Nasional (PN), Kuarta (31-10-2018).

Parlamentu Australia iha ona prosesu domestiku atu kria lei foun, hodi ratifika tratadu FM, maibé atu esplika detallu kona-bá asuntu tratadu FM, iha semana ida ne’e nia laran sei públika iha media sosial facebook.

“Eis Ministra Negosiu Estranjeiru, Julie Bishop hato’o asuntu tratadu FM ba parlamentu Australia iha fulan Marsu, tinan ne’e no komisaun parlamentar iha Australia rekomenda ona ba Australia nia parlamentu atu ratifika tratadu ida ne’e, tanba tratadu ida ne’e diak ba TL no Australia,” haktuir Peter Roberts.

Nia afirma, lori Governu Australia nia naran kontinua apoiu no suporta, atu oinsa prosesa ratifikasaun ba tratadu ne’e, tanba ne’e importante ba TL no Australia.

“Ha’u espera katak ho viajen amizade husi delegasaun parlamentu Australia ba Parlamentu Nasional, polítika nain husi TL bele vizita Australia, koalia ba malu, importante nuudar parseiru, vijiñu no kolega, atu kria ligasaun forti,” relata Embaixadór Australia ne’e.

Husi sorin seluk, PPN, Arão Noe sujere ba delegasaun parlamentu Austrália, atu oinsa Parlamentu nasional Timor-Leste no Parlamentu Austrália ratifika tratadu FM iha tempu no oras ne’ebé hanesan.

“Ohin ha’u husu atu sé bele akordu ratifikasaun FM ne’e, ratifika husi parte rua (2) mais rapida possivel, atu nune’e akordu ne’e tama em vigor, atu nune’e ita bele defini ita nia FM ne’e definitivu no bele hametin liu tan kooperasaun no boa vijilansia entre Australia ho TL,” haktuir Xefi Órgaun Lejisladór ne’e.

Entretantu objetivu delegasaun parlamentu Austrália nain tolu (3) ne’ebé hao vizita mai PN ne’e ho objetivu atu hametin liu tan kooperasaun entre nasaun rua ninian, liu-liu PN ho Parlamentu Australia. Ves


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker