GMN TV Politika PD prefere lideransa nasionál halo diálogu

PD prefere lideransa nasionál halo diálogu

Bankada opozisaun husi Partido Democrático (PD) husu ba lideransa nasional sira atu túr hamutuk halo diálogu, atu nune’e hotu-hotu foku ba asuntu nasional mega projetu Tasi Mane no asuntu Fronteira Marítima (FM), tanba asuntu ida ne’e la’os interese ba ema ida nian.

“PD apresia ba asaun ida ne’ebé maun boot Kay Rala Xanana Gusmão halo, mas importante maka ba asuntu ida ne’e, ita tenki nakloke no diálogu ba lideransa hotu-hotu. Wainhira kuandu koalia asuntu Tasi Mane no Fronteira Marítima, ne’e bolu asuntu nasional, ne’e katak involvimentu ou ema hotu-hotu nia apoiu pasivu no ativu ne’e importante teb-tebes”, deputadu bankada PD, Mariano Assanami Sabino ba jornalista sira iha uma fukun PN, Sesta (23-11-2018).

Nia esplika, diálogu ho lideransa sira seluk hanesan ho Prezidente Repúblika (PR), Francisco Guterres ‘Lú Olo’, Primeiru Ministru (PM), Taur Matan Ruak ho Mari Alkariti ne’e importante, para hotu-hotu senti katak, liu husi unidade maka bele hakat ba oin.

“Risku ita hamutuk hasoru, mas ita tenki iha kbiit no keberanian para atu hakat ba oin, atu bele reforsa ita nia ekonómia, liu-liu industrializasaun petrokímiku ne’ebé maka sei mosu iha Tasi Mane,
tanba husi ninia deribadu ne’e, sei fó impaktu makaas ba ita nia seitor sira seluk, hanesan seitor agrikola, peskas no pekuaria, atu nune’e bele hamosu target ida ne’ebé loos no análiza ba risku ne’ebé mosu, hanesan risku ba ambiente tasi no rai maran, ita presiza kaer metin ida ne’e, para sai baze hodi hakat ba  oin”, informa Assanami.

Nia akresenta, em prinsipiu PD fó apoiu ba esforsu atu dada kadoras mai Timor-Leste, nune’e Timor-oan tenki antesipa, tenki krítiku no analítiku nafatin ba sasan sira ne’e, tanba ne’e povu nian, la’os interese ema ida nian de’it.

“Koalia ba malu ne’e importante, tanba ita tenki ónestu, analítiku ho di-diak ba asuntu sira hanesan ne’e, la’os hanoin dehan partidu ketak-ketak, la’os hanoin atu hamonu malu, la’os hanoin dehan ida-idak maka halo, maibé ita hakarak hotu-hotu tenki haree, tanba ita gasta osan Estadu nian”, relata deputadu husi bankada PD ne’e.

Nia afirma, relasiona ho asuntu mega projetu Tasi Mane no kadoras husi kampu Greater Sunrise, atu dada mai ne’e, hotu-hotu presiza túr hamutuk, haree ho klean husi prespektiva oi-oin, liu-liu prespektiva bisnis, ekonómia no rendimentu.

Entretantu akordu sosa asaun Dollar Amerikanu millaun 300, husi kompañia petrolífera internasional Shell husi Australia, asina iha Hotel Conrad Nusa Dua Bali, Indonesia, partisipa husi Prezidente Timor GAP, Prezidente Autoridade Nasional Petróleu no Minerais, Eis Ministru Petróleu no Minerais, Eis Ministru Finansas no Emprezariu husi Australia.

Antes ne’e mós, Timor-Leste asina ona akordu ho kompañia petrolífera internasional husi Amérika, ConocoPhillips hodi sosa asaun 30% ho osan hamutuk Dollar Amerikanu millaun 350. ves

 


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker