Parlamentu Nasionál (PN) husu ba VIII Governu konstituisional atu ratifika lalais konvensaun ONU kona ba direitu ba ema ho difisiensia, nune’e bele asegura diak liu dirietu ba ema ho difisiensia.
“Ratifikasaun konvensaun ONU direitu ba ema ho difisiensia prosesu ne’e la’o kleur tebes ona ita koalia kona-ba direitu ema ho difisiente presija mós adere ba konvensoens internasional sira, tanba ita haree iha nivel Nasionál sei iha hela lakunas nune;e ita presija konvenasaun internasionais sira ne’e hodi bele reforsa diak liu dirietu ba ema ho difisiensia”,deklara Vise Prezidente Parlamentu Nasionál, Maria Angelina Sarmento, hatete bainhira halo audiensia ho Ministériu Solidaridade Sosiál no Inkluzaun (MSSI), Kinta (29/11).
Hatan ba prekupasaun ne’e Vise Ministra MSSI Signi Chandrawati Verdial klarifika katak, MSSI kria ona diresaun protesaun ba ema ho difisiensia, nune’e iha tempu badak sira sei nomeia diretor hodi bele hare kestaun ne’e.
“Dadaun ne’e kestaun ne’e sira tau hanesan prioriadade, agora estrategia politika mos defini tiha ona diresaun ne’ebé ami kria ne’e mak sei halo revizaun ba planu hirak ne’e”,koalia Signi.
Maibe Signi mos preokupa oituan liga ba akordo ne’e mos presija orsamentu no dadaun ne’e Timor Leste prontu ka lae.
Antes ne’e Asosiasaun Defisiénsia Timor-Leste (ADTL) hato’o ezijensia liu husi konferensia imprensa iha Hotel Vila-Verde Díli iha loron 24 fulan Agusto tinan ne’e husu Governu atu aselera lalais ratifikasaun konvensaun ONU ba direitu ema ho defisiénsia ne’ebé Pendente
ADTL husu atu la’os halo konvensaun ne’e sai hanesan matéria kompromisu iha reuniaun universal , maibe tenke hetan ratifikasaun.ety
