GMN TV Politika PN kansela vizita Estadu PR ba Vatikanu

PN kansela vizita Estadu PR ba Vatikanu

Parlamentu Nasional (PN), liu husi bankada apoiu Governu, Aliansa Maioria Parlamentar (AMP), iha Segunda (5/11) ne’e, dala ida tan, kansela planu vizita Estadu Prezidente Repúblika (PR), Francisco Guterres ‘Lú Olo’ ba Roma-Vatikanu.

Ajenda viajen PR Lú Olo ba vatikanu ne’e, hetan vota kontra 35, a favor 26 no abstensaun  0, tanba ne’e aprovadu PN kansela planu vizita Estadu PR ba Roma-Vatikanu.

“Ita hotu hatene katak, wainhira Santo Padre, João Paulo II mai halo vizita tinan 1989, iha momentu ne’e mundu hatene ita nia situasaun liu husi vizita ne’e, maibé karik ita nia PR ba agora, Santo Padre husu situasaun Timor-Leste (TL), PR atu esplika halo nusa,” Xefi bankada CNRT, Duarte Nunes liu husi ninia intervensaun polítika, iha diskusaun sentimentu deslokasaun vizita Estadu PR ba Roma-Vatikanu, iha PN, Segunda (05-11-2018).

Liu husi diskusaun manas iha uma fukun PN entre bankada apoiu Governu ho bankada opozisaun, konsege rezulta kansela PR Lú Olo nia ajenda viajen santa sé-vatikanu, ho razaun hakarak rezolve lai impase polítiku ne’ebé TL infrenta hela.

“Ita hotu hatene situasaun ne’e, rasta dezde tinan 2 ona ita iha situasaun ida hanesan ne’e, tanba nunsio sira mós hatene, iha TL serteza que fó informasaun ida que loos, nune’e situasaun saida maka PR sei hato’o ba Santo Padre iha Vatikanu,” hateten reprezentante AMP, Duarte Nunes.

Iha fatin hanesan liu husi konferensia imprensa, partidu opozisaun FRETILIN, liu husi Vise Xefi bankada, Francisco Branco deklara, sira fó votu a favor ba PR Lú Olo, tanba konsidera interese Estadu no konsidera TL maioria relijiaun katóliku.

“Bankada FRETILIN vota a favor ba vizita Xefi Estadu Lú Olo, tanba respeita órgaun soberania, iha interese boot ba superior Estadu no vizita ne’e koresponde ançeios ho hanoin katak, povu TL maioria relijiaun Katóliku no uma fukun PN reprezenta sira, no FRETILIN vota a favor ba vizita Estadu PR ninian ne’e, ho respeitu ás ne’ebé ami iha ba sua santidade Papa Francisco,” haktuir Vise Xefi bankada FRETILIN.

Rezultadu votasaun ba ajenda viajen xefi Estadu ba Roma-Vatikanu ne’e, ho votus a favor 26, kontra 35 no abstensaun 0, nune’e ajenda PR Lú Olo nia viajen iha loron 23 Novembru ne’e kanseladu.

Entretantu, antes ne’e PN kansela viajen PR, Francisco Guterres ‘Lú Olo’, ne’e ba dala-tolu ona, hanesan ba Amérika, Portugal, Indonézia, inklui atu ba vatikanu hamutuk ba dala-hat ona. ves


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker