GMN TV Politika PN suspende KIP fiskaliza projetu 142

PN suspende KIP fiskaliza projetu 142

0 views

Primeira Vise Prezidente Parlamentu Nasionál (PN), Maria Angelina Sarmento, deklara, PN sei suspende hela aktividade Komisaun Inkeritu Parlamentar (KIP), atu halo fiskalizasaun ba projetu 142 ninia progresu servisu antes halo pagamentu, tanba PN sei fokus ba debate Orsamentu Jeral Estadu (OJE), tinan 2019.

“Kona-bá KIP, agora dau-daun PN iha ambitu ida audiénsia ho preparasaun ba debate OJE 2019, entaun tuir rezimentu PN nian kuandu PN simu ona dokumentu sira hotu, aktividade sira hotu tenki paradu no konsentra ba debate preparasaun audiénsia ho debate OJE 2019”, Primeira Vise Prezidente PN ba jornalista sira iha uma fukun PN, Kuarta (21-11-2018).

Nia esplika, ho ida ne’e maka Prezidente PN, Arão Noe, fó ona despaixu ba Prezidente KIP, Antoninho Bianco atu suspende temporariamente aktividade KIP to’o aprovasaun OJE 2019.

“Prezidente KIP tenki re-kalendariza fali planu sira husi KIP ninian, maibé husi sorin seluk, Governu mós iha ninia mekanizmu atu fiskaliza no superviziona ba progresu husi projetu sira ne’e no karik iha ninia fiskalizasaun no superviziona”, haktuir Maria Sarmento.

Nia akresenta, sé rezultadu Governu nia fiskalizasaun no supervizaun detekta duni progresu servisu kompañia balun la merese duni atu halo pagamentu, Governu tenki suspende, maibé karik kompañia balun kumpri sira nia obrigasaun sira iha baze legal Governu halo pagamentu.

Husi sorin seluk, Prezidente KIP, Antoninho Bianco, hateten, desizaun halo suspensaun ba aktividade KIP atu halo fiskalizasaun, ne’e la’os KIP nia planu, maibé rezimentu PN maka la fó dalan, tanba PN sei hasoru servisu debate no diskusaun OJE 2019.

“Mezmu KIP nia planu iha ona, maibé planu sira ne’ebé que iha dentro órariu diskusaun OJE 2019 nian ne’e, suspende la la’o, depois remata debate OJE 2019 maka kontinuasaun halo servisu ba nafatin ho loron 60, tanba suspensaun ne’e la’os komisaun nia hakarak, maibé lei haruka para bele diskusaun lei OJE 2019 lai”, haktuir Antoninho Bianco.

Entretantu antes ne’e, emprezariu sira hein hela pagamentu husi Governu ba projetu hirak ne’ebé maka sira sira hala’o iha teritoriu Timor-Leste.

Antes ne’e mós Ministu Óbras Públikas (MOP), Salvador Pires hateten, Governu sei selu dívidas ba projetu 96 no 40 resin maka sei halo fali levantamentu. ves

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker