GMN TV Politika PPN baixa ona proposta OJE 2019 ba komisaun espesializada

PPN baixa ona proposta OJE 2019 ba komisaun espesializada

0 views

Prezidente Parlamentu Nasional (PPN), Arão Noe, baixa ona proposta Orsamentu Jeral Estadu (OJE) tinan 2019, ba komisaun espesializada sira atu halo kalendáriu hodi hahú audiênsia públika, tuir Área temátika ida-idak nian.

Proposta Orsamentu Jeral Estadu 2019 nee Prezidente Parlamentu Nasional simu husi Ministeriu Finansas iha loron hirak liu ba, nunee Parlamentu rasik liu husi lider bankada sira halo deliberasaun hodi tau iha ajenda,tanba ne’e, iha Tersa loron 13 fulan ne’e , baixa ba kada komisaun  atu ida-idak halo nia kalendariu.

Iha semana ne’e nia laran , Prezidente Parlamentu Nasional hamutuk ho lider bankada sira ,sei deside  hodi halo ajendamentu ba diskusaun no aprovasaun final global.

Prezidente Parlamentu Nasional, Arão Noe, hatete parlamentu sei hala’o reniaun entre lider bankada hodi deside ajenda fiksa ba diskusaun OJE 2019 antes tama ba iha aprovasaun final global.

Alende  proposta OJE 2019 sei baixa iha komisaun sira durante loron 20.  Tuir ajenda, Parlamentu Nasional sei halo votasaun final global ba Orsamentu Jeral Estadu tinan  2019, iha loron 21 , fulan Dezembru Tinan ne’e.

Hafoin halo votasaun final, Projetu nee sei submete ba   Prezidente Republika Francisco Guterres Lu Olo, atu halo leitura, hodi halo promulgasaun ka veta, tuir kompetensia Xefi Estadu nian, ne’ebé hakerek iha konstituisaun.

“Tuir de liberasaun lider bankadas ohin baixa ona ba komisaun sira agora halo sira nia kalendariu no iha Sesta feira ne’e ami reniaun entre lider bankada haree fali ajenda hodi fiksa to’o bainhira mak aprova final global, loron 20 iha komisaun sira depois ida ne’e halo relatoriu pareser ba plenaria ,maibe ami hakarak votasaun final global hotu iha loron 21 ,fulan Dezembru”, dehan PPN Arão Noe ba jornalista iha PN.

PPN Arão Noe, dehan komisaun hirak ne’ebe iha Parlamentu Nasional sei submete relatoriu parecer ba komisaun C ,hafoin komisaun C elabora konjunta hodi ba aprezenta iha plenaria no debate jeneralidade loron 3 no espesialidade loron 10.

“Komisaun sira sei submete relatoriu parecer ba komisaun C depois komisaun C elabora relatoriu parecer konjunta aprezenta ba prenaria ,hafoin ita debate jeneralidade loron 3 no espesialidade loron 10”, esplika PPN.

Prezidente Komisaun E Parlamentu Nasional ne’ebe trata ba asuntu Infra Estrutura, Abel Pires, hatete sira nia komisaun sei estuda no analiza ba proposta OJE 2019 ne’ebe ho karakter normal atu fo dezenvolvimentu ida ne’ebe diak ba povu no rai doben ida ne’e.

Iha fatin hanesan Prezidente Komisaun G Parlamentu Nasional ne’ebe trata ba asuntu etika no prestasaun Deputadu Sabino Soares, katak, sira sei estuda no analiza ,alende atu haree esensia no konteudu konaba OJE 2019 ,hafoin aprezenta ba plenaria.tos


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker