GMN TV Politika PR Lú Olo la-aseita PN re-ajenda votasaun viajen ba Vatikanu

PR Lú Olo la-aseita PN re-ajenda votasaun viajen ba Vatikanu

Prezidente Republika (PR), Francisco Guterres Lú Olo, la-aseita Parlamentu Nasional (PN) re-ajenda votasaun ba ninia viajen ba Vatikanu, tanba atu defende dignidade povu Timor -Leste nian.

Prezidente Repúblika, Francisco Guterres Lú Olo, fo sai iha konfrensia imprensa, Kuarta (14/11) hafoin hasoru malu ho Prezidente Parlamentu Nasional, Arão Noe ne’ebe koalia kona-ba pedidu Bankada apoiu Governu ne’ebe atu re-ajende plenaria votasaun viajen PR Lú Olo ba Vatikanu.
Maske nunee Xefi Estadu afirma, sei informa iha tempu seluk bainhira Vatikanu fo fali data seluk hodi Prezidenti Repúblika vizita ba Vatikanu.
“Ha’u nia vizita ba Vatikanu ne’e submete ba iha Parlamentu Nasional, Parlamentu Nasional maioria AMP vota kontra tiha Prezidenti nia vizita ba vatikanu, ohin Prezidenti Parlamentu Nasional mai hasoru malu ho Prezidenti Republika liu husi pedidu husi bankada hot-hotu nian para husu prezidenti re-ajenda fali vizita ba vatikanu maka hau responde ba Prezidenti Parlamentu Nasional iha pontu hat deit, primeiru hau hateten katak votu ida ne’ebe deputadu sira maioria fo iha dia 5 fulan ne’e. votu ida ne’e maka responsavel, votu ida ne’e maka tebes, votu ida ne’e maka los liu”, hateten Prezidente Repúblika.
Xefe Estadu hatutan katak Parlamentu kansela viajen maka iha dia 6 Novembro nia haruka tiha karta ida ba santidade Amo Papa hodi informa katak inpossivel Prezidenti Republika halo vizita ba vatikanu, tanba Parlamentu Nasional vota kontra tiha.
Prezidente Repúblika nee mos hatete katak, Prezidente Repúblika defende dignidade povu ida ne’e nian la aseita Parlamentu Nasional atu re-ajenda fila fali votasaun, no ikus liu maka nia responde ba Prezidenti Parlamentu Nasional katak Prezidente Repúblika sei informa iha tempo seluk bainhira santidade ou vatikanu fo fila fali data seluk ida para Prezidente Repúblika atu vizita fali vatikanu, maibe atu re-ajenda dadauk prezidenti la aseita.
Prezidente Repúblika iha programa atu vizita ba vatikanu hasoru malu ho sua santidade Papa Francisco iha dia 23 fulan ne’e. Alem de nee Prezidenti Republika ho konsiensia ida desde tinan 2017 bainhira toma posse iha dia 20 Maiu iha Tasi tolu, iha dadersan nia hasoru malu ho reprezentante Amo Papa nian hato’o kedas katak Prezidente Repúblika iha tempo besik hakarak vizita atu hasoru malu ho sua santidade Amo Papa.
Vizita ida ne’e mai konfirma iha tinan 2018 ne’ebe Prezidensia Republika simu nota verbal ida husi vatikanu katak, Amo Papa fo loron 23 Novembro para Prezidenti Republika to’o iha vatikanu hodi hasoru malu ho amo Papa.
Aleinde hasoru malu Papa Francisco, Xefi Estado mos hakarak atu hasoru malu tan ho kardial Petro Parolin hanesan Sekretario Estado Vatikanu nian ne’ebe kompara ho ita nian karik hanesan Primeiru-Ministru.
“Ha’u hasoru malu ho amo Papa hau atu konvida mos amo Papa mai Timor-Leste atu komemora hamutuk ho povu katoliku TL tinan 30 vizita sua santidade amo Papa João Paulo II segundu mai iha tasi-tolu ne’ebe konsege loke TL ninia situasaun ba iha mundu tomak no mos atu komemora hamutuk ho povu TL tinan 20 referendum”, hateten Prezidente Repúblika, Francisco Guterres Lú Olo.
Maske Parlamentu Nasional kansela ona viagem Xefi Estado nian ba vatikanu, maibe Prezidenti Republika sei la lori kestaun ida ne’e wainhira deside atu veta ka promulga Orsamentu Jeral Estado 2019.
“Ha’u lakohi halo buat sira ne’e hotu dala ida deit, buat ida-idak iha nia tempu, no halo tuir deit Konstituisaun ho Lei, la halo tuir fali troka aifarinha ho fehuk”, dehan Lú Olo.
Tuir planu Prezidente Repúblika (PR), Francisco Guterres Lú Olo, sei hala’o vizita ba Vatikanu hodi hasoru malu ho Amo Papa Francisco iha loron 23 Novembro 2018. Maibe viajen xefi Estadu nian, Parlamentu Nasional la autoriza liu husi votasaun iha plenaria iha loron 5 Novembro tinan ne’e.
Parlamentu Nasional vota kontra viajen Prezidente Repúblika nian ba estranjeiru dala hat ona inklui Vatikanu. Antes ne’e PN kansela viajen liu husi vota iha plenaria hanesan viajen ba Portugal, Nova Yorke, Indonesia. mia


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker