GMN TV Politika Ramos Horta: PN laiha razaun kansela viajen PR Lú Olo ba Vatikanu

Ramos Horta: PN laiha razaun kansela viajen PR Lú Olo ba Vatikanu

0 views

Laureadu Nobel ba Paz José Ramos Horta, deklara katak, lolos bankada apoiu Governu, Aliansa Maioria Parlamentar (AMP) labele kansela vizita Estadu Prezidente Repúblika, Francisco Gutrres Lu Olo, ba Vatikanu no mós ba nasaun sira seluk.
Ramos Horta apela ba orgaun soberania Estadu sira atu pratika kultura respeitu malu atu nunne’e bele sai ezemplu diak ba jovem, sosiedade sivil no ba povu.
Ramos Horta hato’o kestaun ne’e hafoin enkontru ho Prezidenti Republika, Francisco Guterres Lú Olo, iha Palacio Prezidensial Bairu-Pite, Díli, Kinta(08/11/2018) hafoin rona Prezidenti Republika nia hanoin ba impase politiku ne’ebe oras ne’e dadaun la’o iha rai laran.
“Ha’u fiar sei iha solusaun, ha’u husu de’it ba parlamentu, ba partidu politiku sira favor sira bele la konkorda karik ho Prezidente Republika nia hanoin, prinsipiu no desizaun ruma maibe nia xefi estadu, ita tenki iha pratika kultura ida ke respeita orgaun ne’ebe eleitu, respeita malu, se orgaun soberania sira la respeita malu, ne’e ejemplu saida ba jovem sira, sosiedade sivil no ba povu. Ne’e duni ha’u husu favor atu sukat didiak ida-idak nia diskursu, liafuan para hatudu respeitau ba PR nudar PR ida nudar ema, ha’u seidauk rona PR hateten liafuna kroat kontra ema ne’ebe la konkorda ho nia, ne’eduni para ita resolve problema sira ne’e sukat didiak ita nia lifuan sira”,hateten José Ramos Horta ba jornalista sira, Kinta(8/11).
Nia dehan, impase polítiku ne’ebe mosu entre orgaun Parlamentu Nasional no orgaun Prezidensia Repúblika iha ne’ebe parlamentu nasional kontinua mantein kansela viajen Prezidente Repúblika ba rai liur no Prezidenti Repúblika rasik mantein nia pozisaun hodi la fo pose ba membru VIII governu nain 9.
Maski nune’e Ramos Horta fiar katak, Primeiru Ministru ho Prezidenti Repúblika no Prezidente Parlamentu Nasional sei iha kontaktu no esforsu atu hetan solusaun ba pose membru VIII governu para governu bele kompleta no Xefe Estadu mos bele hala’o nia knar nudar embaixador numeru 1 Timor nian ba mundu.
Parlamentu Nasional kansela ona viajen Prezidente Repúblika ba rai liur hamtuk dala haat ona hodi hein to’o Prezidente Repúblika fo pose lai ba membru VIII governu nain 9, enkuantu prezidente repúblika rasik mantein nia pozisaun hodi la fo pose tanba seidauk iha substituisaun ba membru VIII governu refere.
Antes ne’e liu husi rejultadu votasaun ba ajenda viajen PR Lú Olo ba Vatikanu ne’e, hetan vota kontra 35, a favor 26 no abstensaun 0, tanba ne’e aprovadu PN kansela planu vizita Estadu PR ba Roma-Vatikanu.
Entretantu PN kansela viajen PR, Francisco Guterres ‘Lú Olo’, ne’e ba dala-tolu ona, hanesan ba Amérika, Portugal, Indonézia, inklui atu ba vatikanu hamutuk ba dala-hat ona. ías


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker