Rede Defensór Direitus Umanus (RDDU) husu ba Governu Timor-Leste (TL) atu foti medida sériu hodi buka tuir ema ne’ebe lakon iha akontesimentu 12 de novembru, tanba durante ne’e RDDU nota katak aktividade kee mate ruin laos programa ofisial Governu, maibé hanesan asuntu partikular organizasaun 12 de novembru nian.
“Tuir prespektiva moral no polítika, Estadu TL iha obrigasaun atu hakas-an buka tuir paradeiru joven mártires ne’ebé mate iha akontesimentu 12 de Novembru tinan 1991, maibé realidade tinan 16 ona seidauk iha progresu signifikativu no ami nota katak aktividade kee mate ruin ne’ebé durante ne’e lao hanesan fali asuntu partikular organizasaun 12 de novembru nian no lao’s programa ofisial Governu,”informa porta voz RDDU, Inocencio de Jesus Xavier, liu husi konferensia imprensa iha asosiasaun HAK, Farol-Díli, Sesta (09/11/2018).
RDDU konsidera ema ne’ebé lakon iha masakre 12 de Novembru seidauk hetan justisa sera ke sira nia ruin deit mós balun seidauk hetan.
“Iha tinan 2008 ami rekomenda ba Governu TL no Indonézia tenki servisu hamutuk hodi harii komisaun buka ema lakon iha maskare 12 de novembru, maibé realidade tinan 10 resin ona seidauk hare medidas konkreta no sériu husi Governu rua ne’e atu buka ema ne’ebe lakon,”dehan Inocencio.
Relasiona ho asuntu ne’e RDDU husu ba Ministériu Negosiu Estranjeirus, Ministériu Solidariedade Sosiál no Inkluzaun inklui Parlamentu Nasional hodi kria polítika atu nune’e bele implementa rekomendasaun husi CAVR hodi harii komisaun buka ema lakon. Ita
