Secretáriu Estadu Assuntos Antigos Combatentes Libertação Nacional (SEACLN) sei halo verifikasaun ba dadus veteranus ne’ebé hamutuk rihun 124 resin iha tinan 2019 ne’ebé mak hala’o registu iha tinan 2009.
SEACLN Gil da Costa Monteiro 'Oan Soru' hateten, ida ne’e fiksu atu verifika, maibé lasignifika fiksu atu sai veteranus hotu, sei liu husi prosesu verifikasaun, varidasaun no to’o ba aprovasaun. Verifikasaun ne’e sei hala’o iha munisípiu 12 inklui Regiaun Administrativa Espesial Oecusse Ambeno (RAEOA) no iha possibilidade mós ba to’o iha postu administrivu sira.
“Dadus 2009 ami tau konsiderasaun no iha ona planu atu halo verifikasaun iha 2019 bainhira Prezidente Repúblika Francisco Guterre Lú Olo promulga orsamentu Jeral Estadu 2019. Governu hanoin ona atu muda metodologia verefika dadus, uluk komissariu anterior sira lori dokumentus ne’ebé bo’ot, maibe agora uza deit verifikasaun elektronika nune’e lapresiza riska surat tahan ida ho kor 10,”hateten Secretáriu Estado Assuntos Antigos Combatentes Libertação Nacional Gil da Costa Monteiro 'Oan Soru' ba GMN iha nia kna’ar fatin Tersa (20/11/18)
Nia esplika, hahu husi primeiru Governu mai to’o agora prosesu iha ne’ebá iha kazu balun rezolve ona no balun seidauk bele rezolve ida ne’e akontese duni, tanba durante funu iha prosesu difisil iha buat balun ultra passa no balun la’e.
Lei estatutu organiku konsellu kombatente libertasaun nasionál nian ne’e Presidente Repúblika Francisco Guterres Lú Olo promulga ona iha loron 21 fulan Marsu tinan 2018 liu ba no hein noemasaun.
“Ami agora prepara komisaun instaladora, tanba Primeiru Ministru Taur Matan Ruak fo ona resposta ba karta ne’ebe ami haruka ba, hein deit Primeiru Ministru Taur Matan Ruak halo nomeasaun hodi halo preparasaun ba estabelesimentu konsellu libertasaun nasionál,”tenik Gil ety
